ଅଟୋ ଓଲଟିଲା, ୮ ଆହତ

ଫୁଲବାଣୀ -୨୪/୦୮ ବୁଧବାର ବାଲିଗୁଡା ନିକଟରେ ଏକ ଯାତ୍ରୀବାହୀ ଅଟୋ ଭାରସାମ୍ୟ ହରାଇ ଓଲଟିଯିବା ଫଳରେ ଏଥିରେ ବସିଥିବା ୮ ଜଣ ଯାତ୍ରୀ ଆହତ ହୋଇଛନ୍ତି l ସେମାନଙ୍କୁ ଉଦ୍ଧାର କରି ଚିକିତ୍ସା ପାଈଁ ବାଲିଗୁଡା ଡାକ୍ତରଖାନାରେ ଭର୍ତ୍ତି କରାଯାଇଛି l ସୂଚନା ଯୋଗ୍ୟ ଯେ, ଦାରିଙ୍ଗବାଡି ବ୍ଲକ ଅନ୍ତର୍ଗତ ବୁଡଗୁଡା ଅଞ୍ଚଳରୁ ବାଲିଗୁଡା ବ୍ଲକ ରୁତୁଙ୍ଗିଆକୁ ଜଣେ ସମ୍ପର୍କୀୟାଙ୍କ ଶୁଦ୍ଧ ଘରେ ଯୋଗ ଦେବାକୁ ଯିବାବେଳ ଏହି ଦୂର୍ଘଟଣା ଘଟିଥିଲା l ପୋଲିସ ଘଟଣାସ୍ଥଳରେ ପହଞ୍ଚି ଅଟୋ ଜବତ କରିବା ସହ ଘଟଣାର ତଦନ୍ତ କରୁଛି l ସମସ୍ତ ଆହତ ମାନଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ରହିଥିବା କୁହାଯାଇଛି l