ରାଜ୍ୟସ୍ତରୀୟ ନୃତ୍ୟ ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା ଛାତ୍ରୀଙ୍କୁ ବାଲିଗୁଡା ଆଦର୍ଶ ବିଦ୍ୟାଳୟରେ ଭବ୍ୟ ସମ୍ବର୍ଦ୍ଧନା

ଫୁଲବାଣୀ: ୨୨/୦୯ ଓଡିଶା ଆଦର୍ଶ ବିଦ୍ୟାଳୟ ପକ୍ଷରୁ ଅନୁଷ୍ଠିତ ରାଜ୍ୟସ୍ତରୀୟ ନୃତ୍ୟ ପ୍ରତିଯୋଗିତାରେ କନ୍ଧମାଳର ସର୍ବ ପୁରାତନ ସଂସ୍କୃତିକ ଅନୁଷ୍ଠାନର କୁନି କୁନି ଓଡିଶୀ ନୃତ୍ୟଙ୍ଗନା ମହା ମଣ୍ଡଳସ୍ତରୀୟ ପ୍ରଥମ ସ୍ଥାନ ଏବଂ ଭୁବନେଶ୍ୱରରେ ଆୟୋଜିତ ରାଜ୍ୟସ୍ତରରେ ଦ୍ଵିତୀୟ ସ୍ଥାନ ଅଧିକାର କରି ଗର୍ବ ଓ଼ ଗୌରବ ଆଣିଦେଇଥିବା ବାଲିଗୁଡା ଦଣ୍ଡପଦର ସ୍ଥିତ ଆଦର୍ଶ ବିଦ୍ୟାଳୟ ଛାତ୍ରୀ ଅନ୍ଵେଷା ଚୌଧୁରୀ, ଏମ ଜ୍ଞାନୀ, ଅନ୍ଵେଷା ସୋମନା, ସୋନାକ୍ଷୀ ପଣ୍ଡା ଅବନ୍ତିକା ପଣ୍ଡା ଓ ସୁରଞ୍ଜନା ବାରିକଙ୍କୁ ଆଦର୍ଶ ବିଦ୍ୟାଳୟ ପକ୍ଷରୁ ଭବ୍ୟ ସ୍ୱାଗତ ଏବଂ ସମ୍ବର୍ଦ୍ଧନା ଦିଆ ଯାଇଛି l ସର୍ବ ପୁରାତନ ସଂସ୍କୃତିକ ଅନୁଷ୍ଠାନର ନୃତ୍ୟଗୁରୁ କେଦାର ନାୟକଙ୍କ ଠାରୁ ନୃତ୍ୟ ଶିକ୍ଷା ଅର୍ଜନ କରି ସଫଳତା ପାଇଛନ୍ତିl ଏହି ସଫଳତାର ଶ୍ରେୟ ନୃତ୍ୟ ଗୁରୁ ବାପା ମାଆ ଏବଂ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀଙ୍କୁ ଦେବେ ବୋଲି ଛାତ୍ରୀ ମାନେ କହିଛନ୍ତି l କୁନି ନୃତ୍ୟଙ୍ଗନା ମାନେ ନୃତ୍ୟ ଶିକ୍ଷାକରି ଥିବା ସର୍ବ ପୁରାତନ ଅନୁଷ୍ଠାନର ସମସ୍ତ ଶିକ୍ଷକ ଶିକ୍ଷୟିତ୍ରୀ ସଭାପତି ସମ୍ପାଦକ ଏବଂ ସଦସ୍ୟଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି l