ବ୍ୟାସକବି ଜୟନ୍ତୀ ଓ ମକର ମିଳନ

କଟକ,(ନୃସିଂହ ଚରଣ ଦାସ ): ଆଜି ଜାନୁଆରୀ ୧୪ । ବିଶିଷ୍ଟ ଔପନ୍ୟାସିକ ଫକୀରମୋହନ ସେନାପତିଙ୍କ ଜନ୍ମ ଜୟନ୍ତୀ । ଯାହାଙ୍କୁ କୁହାଯାଏ ସଂକ୍ରାନ୍ତି ପୁରୁଷ । ସେହିପରି ଆଜି ପାଳିତ ହୋଇଛି ପବିତ୍ର ମକର ସଂକ୍ରାନ୍ତି । ଏନେଇ ମାହାଙ୍ଗା ସାହିତ୍ୟ-ସଂସ୍କୃତି ପରିଷଦ ପକ୍ଷରୁ ଆୟୋଜିତ ହୋଇଥିଲା କବିତା ପାଠୋତ୍ସବ ଏବଂ ବନ୍ଧୁମିଳନ । ମାହାଙ୍ଗାର ବରାହିପୁରସ୍ଥ ମହାପୁରୁଷ ବିଦେଇବାବାଙ୍କ ପୀଠରେ ସାହିତ୍ୟିକ ଭୁବନାନନ୍ଦ ସାହୁଙ୍କ ଅଧ୍ୟକ୍ଷତାରେ ଏହି ଉତ୍ସବ ପାଳିତ ହୋଇଥିଲା । ସଭାରେ ସାମ୍ବାଦିକ ତଥା କବି ଭକ୍ତ ଚରଣ ସାହୁ, ଡକ୍ଟର ଏକାଦଶୀ ପ୍ରଧାନ, ନିରଂଜନ ଜେନା ପ୍ରମୁଖ ମଞ୍ଚାସିନ ଥିଲେ । ଶିଶୁ ସାହିତ୍ୟିକ ମହେନ୍ଦ୍ର କୁମାର ଘଡେଇଙ୍କ ସଂଯୋଜନାରେ ଆୟୋଜିତ କବିତା ପାଠୋତ୍ସବର ମାହାଙ୍ଗା ଓ ସାଲେପୁର ଅଞ୍ଚଳର ବହୁ କବି ସ୍ୱରଚିତ କବିତା ପାଠ କରିଥିଲେ ।