ଖୁଣ୍ଟା ଥାନା ଅଧିନରେ ଜିଲ୍ଲା ଫାଇରିଙ୍ଗ ରେଞ୍ଜ ଉଦଘାଟିତ

ଖୁଣ୍ଟା: ମୟୁରଭଞ୍ଜ ଜିଲ୍ଲା ଖୁଣ୍ଟା ଥାନା ଅଧୀନସ୍ଥ ଶିଳଘାଟୀ ପଞ୍ଚାୟତର ବାଲିଯୋଡ଼ା ଗ୍ରାମ ନିକଟରେ ଜିଲ୍ଲା ପୋଲିସ ବିଭାଗ ପକ୍ଷରୁ ନୂତନ ଭାବେ ସ୍ଥାପନ ହୋଇ ଥିବା ଜିଲ୍ଲାସ୍ତରୀୟ ଫାଇରିଙ୍ଗ ରେଞ୍ଜର ଆନୁଷ୍ଠାନିକ ଭାବେ ଶୁଭ ଉଦଘାଟନ ହୋଇଯାଇଛି । ଏହି ଉଦଘାଟନୀ ଉତ୍ସବରେ ପୂର୍ବାଞ୍ଚଳ ଆଇଜି ହିମା°ଶୁ କୁମାର ଲାଲ ମୁଖ୍ୟ ଅତିଥି ଭାବେ ଯୋଗ ଦେଇ ଏହାର ଉଦଘାଟନ କରିଥିବା ବେଳେ ମୟୁରଭଞ୍ଜ ଏସପି ରିଷିକେଶ ଡି. ଖିଲାରୀ, ପୋଲିସ ରିଜର୍ଭ ଆର.ଆଇ କୂଳମଣୀ ଗିରି, କପ୍ତିପଦା ଉପଖଣ୍ଡ ପୋଲିସ ଅଧିକାରୀ ସାର୍ଥକ ରାୟ, ଖୁଣ୍ଟା ଥାନା ଆଇଆଇସି ଲୋପାମୁଦ୍ରା ନାୟକଙ୍କ ସମେତ ଅନ୍ୟ ପୋଲିସ କର୍ମଚାରି ପ୍ରମୁଖ ଉପସ୍ଥିତ ଥିଲେ । ଏହି ଜିଲ୍ଲାସ୍ତରୀୟ ଫାଇରିଙ୍ଗ ରେଞ୍ଜ ମାଧ୍ୟମରେ ମୟୁରଭଞ୍ଜ ଜିଲ୍ଲାର ୩୪ ଗୋଟି ଥାନାର ସମସ୍ତ ପୋଲିସ କର୍ମଚାରୀ ବନ୍ଧୁକ ଚାଳନା ଅଭ୍ୟାସ ଜାରି ରଖିପାରିବେ ବୋଲି ଜଣାଯାଇଛି ।