ଭୁବନେଶ୍ୱର, ୩୧ /୦୧: ଛାତ୍ରଛାତ୍ରୀମାନଙ୍କ ବୃତିଗତ ପ୍ରଶିକ୍ଷଣ ଏବଂ କର୍ମ ନିଯୁକ୍ତିକୁ ପ୍ରୋତ୍ସାହନ ଦେବା ନିମନ୍ତେ ଶିକ୍ଷା ଓ ଅନୁସନ୍ଧାନ (ସୋଆ) ଏବଂ ଲାର୍ସନ୍ ଆଣ୍ଡ ଟୁବ୍ରୋ ଲିମିଟେଡ୍ (ଏଲ୍ଆଣ୍ଡଟି)ର ବ୍ୟବସାୟିକ ଅଂଗ ଏଲ୍ଆଣ୍ଡଟି ଏଡୁଟେକ୍ ମଧ୍ୟରେ ଏକ ବୁଝାମଣା ପତ୍ର ସ୍ୱାକ୍ଷରିତ ହୋଇଛି ।
ସୋମବାର ସ୍ୱାକ୍ଷରିତ ହୋଇଥିବା ଏହି ବୁଝାମଣା ପତ୍ର ଅନୁଯାୟୀ ବିଶ୍ୱର ଅଗ୍ରଣୀ ଇଞ୍ଜିନିୟରିଂ ସଂସ୍ଥା ଲାର୍ସନ୍ ଆଣ୍ଡ ଟୁବ୍ରୋ ନିଜର ପ୍ରଶିକ୍ଷଣ ସଂସ୍ଥା ଦ୍ୱାରା ଛାତ୍ରଛାତ୍ରୀମାନଙ୍କୁ ପ୍ରଶିକ୍ଷଣ ଯୋଗାଇ କର୍ମ ନିଯୁକ୍ତି ନିମନ୍ତେ ପ୍ରସ୍ତୁତ କରିବେ ।
ଏହି ପ୍ରୋଗ୍ରାମ୍ ମାଧ୍ୟମରେ ପ୍ରଥମେ ସିଭିଲ୍, ଇଲେକ୍ଟ୍ରିକାଲ୍, ମେକାନିକାଲ୍ ଏବଂ ଇଲେକ୍ଟ୍ରିକାଲ୍ ଆଣ୍ଡ ଇଲେକ୍ଟ୍ରୋନିକ୍ସ ଇଞ୍ଜିନିୟରିଂ ଛାତ୍ରଛାତ୍ରୀମାନଙ୍କୁ ବୃତିଗତ ପ୍ରଶିକ୍ଷଣ ଯୋଗାଇ ଦିଆଯିବ ଏବଂ ପରବର୍ତୀ ସମୟରେ ଏହା ଅନ୍ୟାନ୍ୟ ବିଭାଗକୁ ପ୍ରସାରିତ କରାଯିବ ବୋଲି ସୋଆର ଟ୍ରେନିଂ ଓ ପ୍ଲେସ୍ମେଂଟ ବିଭାଗର ପ୍ରଫେସର ଏବଂ ମୁଖ୍ୟ ପ୍ରଫେସର ସୁଜିତ ଦାଶ କହିଛନ୍ତି ।
ଏଥିରେ ସୋଆ ଆବଶ୍ୟକୀୟ ସାହାଯ୍ୟ ଯୋଗଇ ଦେବ ଏବଂ ଏଲ୍ଆଣ୍ଡଟି ଏହାର କଲେଜକନେକ୍ଟ କାର୍ଯ୍ୟକ୍ରମ ଦ୍ୱାରା ଛାତ୍ରଛାତ୍ରୀମାନଙ୍କୁ ଶିଳ୍ପ ନିମନ୍ତେ ପ୍ରସ୍ତୁତ କିରବା ପାଇଁ କୌଶଳ ବିକାଶରେ ପ୍ରଶିକ୍ଷିତ କରିବ ।
ସୋଆ ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନିକାଲ ଏଜୁକେସନ୍ ଆଣ୍ଡ ରିସର୍ଚ୍ଚ ଚଳିତ ୨୦୨୨ ନ୍ୟାସ୍ନାଲ୍ ଇନ୍ଷ୍ଟିଚ୍ୟୁସ୍ନାଲ୍ ର୍ୟାଙ୍କିଙ୍ଗ ଫ୍ରେମ୍ୱାର୍କ (ଏନ୍ଆଇଆର୍ଏଫ୍) ର୍ୟାଙ୍କିଙ୍ଗ୍ରେ ସାରା ଦେଶରେ ଇଞ୍ଜିନିୟରିଂ ଶିକ୍ଷାନୁଷ୍ଠାନଗୁଡ଼ିକ ମଧ୍ୟରେ ୨୭ ତମ ସ୍ଥାନରେ ରହିଛି ।
ଏହି ବୁଝାମଣା ପତ୍ର ସୋଆର ଉପକୁଳପତି ପ୍ରଫେସର ପ୍ରଦୀପ୍ତ କୁମାର ନନ୍ଦ ଏବଂ ଏଲ୍ଆଣ୍ଡଟି ଏଡୁଟେକ୍୍ର କନ୍ସଲ୍ଟାଂଟ ଶ୍ରୀ ଆର୍. ବାଲସୁବ୍ରମନିଆନ୍ଙ୍କ ମଧ୍ୟରେ ସ୍ୱାକ୍ଷରିତ ହୋଇଥିଲା ।
ଏହି ଅବସରରେ ସୋଆର ଟ୍ରେନିଙ୍ଗ ଏବଂ ପ୍ଲେସ୍ମେଂଟର ମୁଖ୍ୟ ପ୍ରଫେସର ସୁଜିତ ଦାସ, ଆଡିସ୍ନାଲ୍ ଡିନ୍ (ଏକାଡେମିକ୍ସ) ପ୍ରଫେସର ଡି.ଏନ୍. ଥାଟୋଇ, ମେକାନିକାଲ୍ ଇଞ୍ଜିନିୟରିଂ ବିଭାଗର ମୁଖ୍ୟ ଡକ୍ଟର ସରୋଜ ଆଚାର୍ଯ୍ୟ, ସିଭିଲ୍ ଇଞ୍ଜିନିୟରିଂ ବିଭାଗର ମୁଖ୍ୟ ଡକ୍ଟର ବିଦ୍ୟାଧର ବାସା, ଇଲେକ୍ଟିକାଲ୍ ଇଞ୍ଜିନିୟରିଂ ବିଭାଗର ମୁଖ୍ୟ ଡକ୍ଟର ବିନୋଦ ସାହୁ, ଇଲେକ୍ଟିକାଲ୍ ଆଣ୍ଡ ଇଲେକ୍ଟୋନିକ୍ସ ଇଞ୍ଜିନିୟରିଂ ବିଭାଗର ମୁଖ୍ୟ ଡକ୍ଟର ନିରଞ୍ଜନ ନାୟକ, କ୍ୟାରିଅର ଡେଭଲପ୍ମେଂଟ ସେଲ୍ର ମୁଖ୍ୟ ଡକ୍ଟର ସୁମିତ ମିତ୍ର, ଚିଫ୍ ଆଡମିନିଷ୍ଟ୍ରେଟିଭ୍ ଅଫିସର ଶ୍ରୀ ପ୍ରମୋଦ କୁମାର ପଣ୍ଡା ଏବଂ ଏଲ୍ଆଣ୍ଡଟି ଏଡୁଟେକ୍ର ମ୍ୟାନେଜର ଶ୍ରୀ ପବିତ୍ର କୁମାର ପରିଡା ଉପସ୍ଥିତ ଥିଲେ ।