ଅତିରିକ୍ତ ଶାଖା ପୋଷ୍ଟ ମାଷ୍ଟରଙ୍କ ଆତ୍ମହତ୍ୟା

କାଲିମେଳା: କାଲିମେଳା ଉପ ଡାକ କାର୍ଯ୍ୟାଳୟ ଅନ୍ତର୍ଗତ ଭେଙ୍କଟାପାଲାମ ଶାଖା ପୋଷ୍ଟ କାର୍ଯ୍ୟାଳୟର ଜଣେ ମହିଳା ଅତିରିକ୍ତ ଶାଖା ପୋଷ୍ଟ ମାଷ୍ଟର ଗତକାଲି ଶନିବାର ଦିନ ସକାଳେ ବିଷପିଇ ଆତ୍ମହତ୍ୟା କରିଥିବା ସୂଚନା ମିଳିଛି । ସେ ନୟାଗଡ ଜିଲ୍ଲାରୁ ଆସି ଏଠାରେ ଚାକିରୀ କରୁଥିଲେ । କାଲିମେଳା ଉପଡାକ କାର୍ଯ୍ୟାଳୟ ନିକଟରେ ଏକ ଭଡ଼ା ଘରେ ରହୁଥିବା ବେଳେ ତାଙ୍କ ନାମ ସୁଶ୍ରୀ ସସ୍ମିତା ସାହୁ ବୟସ ୧୮ ବର୍ଷ ବୋଲି ଜଣାପଡିଛି । କୈଣସି କାରଣରୁ ସକାଳେ ଘରେ ବିଷ ପିଇ ଥିବା ଜଣାପଡିଥିଲା । ପଡିଶା ଲୋକେ ତୁରନ୍ତ ତାଙ୍କୁ ଉଦ୍ଧାର କରି  କାଲିମେଳା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇ ଭର୍ତ୍ତି କରିଥିଲେ । ସେଠାରେ ସେ ଚିକିତ୍ସା ଧିନ ଅବସ୍ଥାରେ ମୃତ୍ୟୁବରଣ କରିଥିବା ଜଣାପଡିଛି । ମୃତ ଅତିରିକ୍ତ ଶାଖା ପୋଷ୍ଟ ମାଷ୍ଟର ଏବଂ ଟିଗଲ ଶାଖା ପୋଷ୍ଟ କାର୍ଯ୍ୟାଳୟର ଶାଖା ପୋଷ୍ଟ ମାଷ୍ଟର କେନ୍ଦ୍ରାପଡ଼ା ଜିଲ୍ଲାର ସୁଶ୍ରୀ ରେଖା ପାଣି ଦୁହେଁ ଗୋଟିଏ ଘରେ ରହି ଚାକିରୀ କରୁଥିଲେ । କାଲିମେଳା ଉପ ଡାକ କାର୍ଯ୍ୟାଳୟରୁ ଡ଼ାକ ନେବା ପରେ ସେ ଘରକୁ ଯାଇ ଏପରି କାଣ୍ଡ ଭିଆଇଛନ୍ତି । ତେବେ ମୃତୁ୍ର କାରଣ ଅସ୍ବଷ୍ଠ ରହିଛି । ଏନେଇ କାଲିମେଳା ଥାନା ପୁଲିସ ଘଟଣାର ତଦନ୍ତ ଚଳାଇଥିବା ବେଳେ ଆଜି ଶବ ବ୍ୟବଚ୍ଛେଦ ହେବ ବୋଲି ପୁଲିସ ସୂତ୍ରରୁ ଜଣାପଡିଛି। ଶବ ବ୍ୟବଚ୍ଛେଦ କରାଯିବା ପରେ ପରିବାରବର୍ଗଙ୍କୁ ମରଶରୀର ହସ୍ତାନ୍ତର କରାଯିବ ବୋଲି ପୋଲିସ ପ୍ରକାଶ କରିଛନ୍ତି।