ବିଷ ପିଇ ଆତ୍ମହତ୍ୟା କଲେ ଯୁବକ

କାଲିମେଳା ତା ୭/୩: ଏମ:ଭି: ୭୯ ଥାନା ଅଧୀନ କାଲିମେଳା ବ୍ଲକ ଅନ୍ତର୍ଗଚ ତେଲେରାଇ ପଞ୍ଚାୟତର ଜାଖାଲଗୁଣ୍ଡି ଗ୍ରାମର ୨୭ ବର୍ଷ ବୟସର ଯୁବକ କୀଟନାଶକ ଔଷଦ ଖାଇ ଆତ୍ମହତ୍ୟl କରିଛନ୍ତି । ଗ୍ରାମର ଦୁଲା ମାଡକାମୀଙ୍କ ଏକମାତ୍ର ପୁତ୍ର ୨୭ ବର୍ଷୀୟ ସୁନୀଲ ମାଡକାମୀ l ଘଟଣାରୁ ଜଣାଯାଇଛି ସୁନୀଲ ଗତ କାଲି ଏମଭି ୧୨୬ ସପ୍ତାହିକ ହାଟକୁ ଆସି ଅପରାହ୍ନରେ ଘରକୁ ଫେରିଥିଲେ l ଘରେ ରଖା ଯାଇଥିବା କୀଟନାଶକ ବିଷକୁ ପିଇ ଦେଇଥିଲେ l ତାଙ୍କ ପତ୍ନୀ ପୁନି ମାଡକାମୀ ଜାଣିପାରି ପଡୋଶୀଙ୍କ ସହାୟତାରେ କାଲିମେଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ସ୍ୱାସ୍ଥ୍ୟ କେନ୍ଦରେ ଚିକିତ୍ସାଧୀନ ଅବସ୍ଥାରେ ବିଳମ୍ବିତ ରାତିରେ ତାଙ୍କର ମୃତ୍ୟୁ ଘଟିଛି l ଘରେ ଝଗଡା କିମ୍ବା ପାରିବାରିକ କଳହ କିଛି ନଥିଲା, ସୁନୀଲ କାହିଁକି ବିଷ ପିଇ ଆତ୍ମହତ୍ୟା କଲେ ତାହା ଜଣା ପଡ଼ିନାହିଁ l ଖବରରୁ ଜଣା ଯାଇଛି ଦୁଲା ମାଡ଼କାମୀଙ୍କର ଗୋଟିଏ ପୁଅ ଓ ଗୋଟିଏ ଝିଅ, ପୁଅ ସୁନୀଲ ବିବାହ ହୋଇ ତାଙ୍କର ଗୋଟିଏ ଛୋଟ କନ୍ୟା ସନ୍ତାନ ଥିବା ଜଣାଯାଇଛି l ଦୁଲା ମାଡକାମୀ ଘରେ ରୁହନ୍ତି ନାହିଁ ସେ ଜୟପୁର ପେପେର ମିଲରେ କାମ କରନ୍ତି ଓ ତାଙ୍କ ପୁଅର ମୃତ୍ୟୁ ଖବର ପାଇ ଗତ ରାତିରେ ଘରେ ପହଞ୍ଚିଛନ୍ତି l ତାଙ୍କ ପୁତ୍ର ଏପରି କାହିଁକି କଲେ ସେ ବୁଝି ପାରୁନାହାନ୍ତି l ସୁନୀଲର ମୃତ୍ୟୁରେ ତାଙ୍କ ସ୍ତ୍ରୀ ଏବଂ ବାପା ମା ସମ୍ପୂର୍ଣ ଭାଙ୍ଗି ପଡ଼ିଥିବା ଦେଖିବାକୁ ମିଳିଛି l ସୁନୀଲର ମୃତ୍ୟୁ ରେ ଗ୍ରାମର ଆତ୍ମୀୟସଜନଙ୍କ ମଧ୍ୟ୍ୟରେ ଶୋକାକୁଳ ପରିବେଶ ଦେଖିବାକୁ ମିଳିଛି l ପୋଲିସର ତଦନ୍ତ ପରେ ମୃତ୍ୟୁର କାରଣ ଜଣାପଡିବ ବୋଲି ଜଣାଯାଇଛି l