ନକଲି ଲଟେରୀ କୂପନ ବିକ୍ରୟକାରୀ ଆନ୍ତଃରାଜ୍ୟ ଠକ ଯୁବକ ଗିରଫ

କାଲିମେଳା, ତା ୪/୪: ମାଲକାନଗିରି ଜିଲ୍ଲା କାଲିମେଲା ଥାନା ଅନ୍ତର୍ଗତ ବୁଦୁଗୁଡା ଠାରେ ଗତକାଲି ରାତ୍ର କାଳିନ ପାଟ୍ରୋଲିଂ ବେଳେ ପୋଲିସ୍ ଟିମ୍ ଜଣେ ବ୍ୟକ୍ତିଙ୍କୁ ଗିରଫ କରିଛନ୍ତି । ମିଳିଥିବା ସୂଚନା ଅନୁଯାୟୀ କାଲିମେଳା ପୋଲସି ପକ୍ଷରୁ ପାଟ୍ରୋଲିଂ ବେଳେ ଜଣେ ବ୍ୟକ୍ତି ମୋଟର ସାଇକେଲରେ ବୁଲି ବିଭିନ୍ନ ନକଲି ଲୋଟେରୀ କୁପନ ଦେଖାଇ ଲୋକଙ୍କୁ ପ୍ରୋଲୋଭିତ କରି ବିଭିନ୍ନ ପ୍ରକାରର ପୋଷାକ କପଡା ବିକ୍ରି କରୁଥିବା ଦେଖିଥିଲେ । ତେବେ ସେହି ବ୍ୟକ୍ତି ଜଣଙ୍କ ଯିଏ କପଡା ଖଣ୍ଡ ବିକ୍ରି କରୁଥିଲା ଏବଂ ଯେହେତୁ ସେ ଘରୋଇ ସାମଗ୍ରୀ/ଦାମୀ ମୋବାଇଲ୍ ଫୋନର ନକଲି କୁପନ୍ ଦେଖାଇ ଜନସାଧାରଣଙ୍କୁ ପ୍ରତାରଣା କରୁଥିଲା ତାହାକୁ ନେଇ ପୋଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ଜଣଙ୍କ ହେଲା ମହମ୍ମଦ ତାଲିବ ଅନସାରୀ ଓ ତାର ଘର ଉତ୍ତର ପ୍ରଦେଶରେ ବୋଲି ଜଣା ପଡିଛି । ଅଭିଯୁତ୍କଙ୍କ ଠାରୁ ପୋଲିସ ଗୋଟିଏ ମୋଟର ସାଇକେଲ, ଦୁଇଟି ଫୋନ୍, ୧୮ଟି ପ୍ୟାଣ୍ଟ ସାର୍ଟ କପଡା, ୭ଟି ଖାଲି ସ୍ମାର୍ଟ ଫୋନ୍ କଭର, ନଗଦ ୨୭୪୪୦ ଟଙ୍କା ଓ ୫୦ ନକଲି ଲୋଟେରୀ କୁପନ୍ ଜବତ କରିଥିଲେ ।