ତିନି ଜଣ ଗୁରୁତର ଏବଂ ଆଠ ଜଣ ଆହତ
ଚିତ୍ରକୋଣ୍ଡା: ଗତକାଲି ସନ୍ଧ୍ୟାରେ ମାଲକାନଗିରି ଜିଲ୍ଲା ସ୍ୱାଭିମାନ ଅଞ୍ଚଳରେ ଘଟିଯାଇଛି ଏକ ଅଭାବନୀୟ ଘଟଣା ଫଳରେ ବଡପଦର ଗ୍ରାମ ଦୁଃଖଦ ଭାବରେ ଶୋକାକୁଳ ହୋଇପଡିଛି l ପାପରମେଟେଲା ଥାନା ଅଧିକାରୀ ମାନସ ରଞ୍ଜନ ସ୍ୱାଇଁଙ୍କ ଠାରୁ ମିଳିଥିବା ସୂଚନା ଅନୁଯାଇ ଚିତ୍ରକୋଣ୍ଡା ବ୍ଲକ ବଡପଦର ପଞ୍ଚାୟତ ସ୍ଥାନୀୟ ପଡପଦର ଗ୍ରାମର ପ୍ରାୟ ୧୫ ଜଣ ଏକ ଟ୍ରାକ୍ଟର ଯୋଗେ ସ୍ୱାଭିମାନ ଅଞ୍ଚଳ ଗାଜୁଲୁମାମୁଡି ପଞ୍ଚାୟତ ତଣ୍ଟlଗୁଡ଼ା ଗ୍ରାମକୁ ଏକ ଭୋଜି କାର୍ଯ୍ୟକ୍ରମରେ ବନ୍ଧୁ ଘରକୁ ଯାଇଥିଲେ l ଭୋଜି କାର୍ଯ୍ୟକ୍ରମ ସାରି ସନ୍ଧ୍ୟାରେ ଫେରୁଥିଲେ ଫେରିବା ବାଟରେ ବଡ଼ପୁଟ ଘାଟି ପାଖରେ ଟ୍ରାକ୍ଟରଟି ଭାରସାମ୍ୟ ହରାଇ ଓଲଟି ପଡିଥିଲା ଫଳରେ ସମସ୍ତେ ଗୁରୁତର ହୋଇ ପଡ଼ିଥିଲେ l ସ୍ଥାନୀୟ ଲୋକେ ଖବର ପାଇ ସଙ୍ଗେ ସଙ୍ଗେ ଯାନବାଇ ମେଡିକାଲକୁ ନେଇଥିଲେ ସେଠି ତିନି ଜଣଙ୍କୁ ଡାକ୍ତର ମୃତ ଘୋଷଣା କରାଯାଇଥିବା ବେଳେ ଚାରି ଜଣ ଗୁରୁତର ଏବଂ ଆଠ ଜଣ ଆହତ ମାନଙ୍କୁ ଚିତ୍ରକୋଣ୍ଡା ଉପଖଣ୍ଡ ଚିକିତ୍ସାଳୟକୁ ପଠାଯାଇଥିଲା l ଗୁରୁତର ମାନଙ୍କୁ ମଧ୍ୟରୁ ଆଜି ସକାଳେ ଜଣେ ଛୋଟ ପିଲାକୁ ଚିତ୍ରକୋଣ୍ଡା ଉପଖଣ୍ଡ ଚିକିତ୍ସାଳୟର ଡାକ୍ତର ମୃତ ଘୋଷଣା କଲା ପରେ ମୃତ ସଂଖ୍ୟା ଚାରି ଜଣରେ ପହଞ୍ଚିଥିଲା l ଚିତ୍ରକୋଣ୍ଡା ଉପଖଣ୍ଡ ଚିକିତ୍ସାଳୟ ପାଖରେ ଉକ୍ତ ବଡ଼ପଦର ଗ୍ରାମର ପରିବାର ଏବଂ ଗ୍ରାମବାସୀଙ୍କ ପାଖରେ ପ୍ରଥମେ ପହଞ୍ଚିଥିଲେ ଚିତ୍ରକୋଣ୍ଡା ବ୍ଲକ ଅଧକ୍ଷା ସୁଶ୍ରୀ ରାଜେଶ୍ୱରୀ ଖିଲ ଏବଂ ପରେ ଚିତ୍ରକୋଣ୍ଡା ବିଧାୟକ ପୂର୍ଣଚନ୍ଦ୍ର ବାକା ପରିବାର ଲୋକଙ୍କୁ ସମବେଦନା ଜଣାଇବା ସହ ଆବଶ୍ୟକୀୟ ସହଯୋଗର ହାତ ବଢ଼ାଇଥିଲେ ମୁଖ୍ୟମନ୍ତ୍ରୀ ଜଣାଇ ସହଯୋଗ କରିବାକୁ ପ୍ରତିଶ୍ରୁତି ଦେଇଥିଲେ l l ପାପରମେଟେଲା ଥାନାରେ ଏକ ମାମଲା ରୁଜୁ ହେବା ସହ ଚାରି ଜଣ ମୃତ ଵ୍ୟକ୍ତିଙ୍କ ଶବ ବ୍ୟବଚ୍ଛେଦ କରି ଶବ ଦାହ ପାଇଁ ପରିବାର ଗ୍ରାମବାସୀଙ୍କୁ ହସ୍ତାନ୍ତର କରାଯାଇଥିଲା l
