ପାଣିରେ ବୁଡି ଦୁଇ ନାବଳକର ମୃତ୍ୟୁ

ମାଲକାନଗିରି: ମାଲାକନଗିରି ଥାନା ଅନ୍ତର୍ଗତ ତୋଣ୍ଡାପାଲି ଗ୍ରାମରେ ଆଜି ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ପୋଖରୀକୁ ଗାଧୋଇବାକୁ ଯାଇ ଜଣେ ନାବାଳକ ଓ ଜଣେ ନାବାଳିକା ମୃତ୍ୟୁବରଣ କରିଛନ୍ତି। ସୂଚନା ଅନୁଯାୟୀ, ଆଜି ସକାଳେ ତୋଣ୍ଡାପାଲି ଗ୍ରାମର ଜଗା ପଡିଆମୀର ଝିଅ ବିନ୍ଦୁ ପଡିଆମୀ (୫) ଓ ପଦିଆ ମାଡକାମୀର ପୁଅ ସେନା ମାଡକାମୀ (୫) ଦୁହେଁ ଗାଧୋଇବା ପାଇଁ ଗାଁ ପୋଖରୀକୁ ଯାଇଥିଲେ। ଗ‌ୋଧୋଇ ୨ ଜଣ ଘରକୁ ଫେରିନଥିବା ବେଳେ ପରିବାରବର୍ଗ ପୋଖରୀରେ ଖୋଜାଖୋଜି କରିଥିଲେ। ପାଣିରୁ ୨ ଜଣଙ୍କ ମୃତଦେହକୁ ପାଇଥିଲେ। ଏନେଇ ମାଲକାନଗିରି ଥାନାରେ ପୁଲିସ ଅପମୃତ୍ୟୁ ମାମଲା ରୁଜୁ କରିଛି। ଜିଲ୍ଲା ମୁଖ୍ୟ ଚିକିତ୍ସାଳୟରେ ଶବ ବ୍ୟବଚ୍ଛେଦ କରି ୨ ଜଣଙ୍କ ମୃତଦେହକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।