ମାଲକାନଗିରି, ୧୩/୦୭: ଚିତ୍ରକୋଣ୍ଡା ଥାନା ଅଧିକାରୀ ମୁକୁନ୍ଦ ମେଳକାଙ୍କ ଠାରୁ ମିଳିଥିବା ସୂଚନା ଅନୁଯାୟୀ ଚିତ୍ରକୋଣ୍ଡା ପୋଲିସର ଗୋଟିଏ ଟିମ ଦିନ ସମୟରେ ଗାଡ଼ି ମୋଟର ଯାଞ୍ଚ କରୁଥିବା ସମୟରେ ବିଶ୍ବସ୍ତ ସୂଚନା ଆଧାରରେ ଚିତ୍ରକୋଣ୍ଡା ପୁଲିସ ଚିତ୍ରକୋଣ୍ଡା ବସଷ୍ଟାଣ୍ଡରୁ ୪୫ କେଜି ଗଞ୍ଜେଇ ଜବତ କରିବା ସହ ୩ ଜଣ ଚାଲାଣ କାରୀଙ୍କୁ ଗିରଫ କରିଛନ୍ତି। ସୂଚନା ଅନୁଯାୟୀ ୩ ଜଣ ଚାଲାଣକାରୀ ବସ ଯୋଗେ ବାହାର ରାଜ୍ୟକୁ ଗଞ୍ଜେଇ ଚାଲାଣ କରିବା ପାଇଁ ୨ ଟି ଜରି ବସ୍ତା ରେ ଗଞ୍ଜେଇ ଧରି ବସଷ୍ଟାଣ୍ଡରେ ବସକୁ ଅପେକ୍ଷା କରିଥିବା ସମୟରେ ପୋଲିସ ସେମାନଙ୍କୁ ଜାଞ୍ଚ କରି ୨ଟି ଜରି ବସ୍ତାରୁ ୪୫ କେଜି ୫୦୦ ଗ୍ରାମ ଗଞ୍ଜେଇ ଜବତ କରିବା ସହ ୩ ଜଣ ଚାଲାଣ କାରୀଙ୍କୁ ଗିରଫ କରିଛି। ୩ ଜଣ ଚାଲାଣ କାରୀଙ୍କ ଠାରୁ ଆଧାର କାର୍ଡ, ୩ଟି ମୋବାଇଲ ଫୋନ ଜବତ କରିଛନ୍ତି । ୩ ଜଣ ଚାଲାଣ କାରୀ ହେଲେ ପ୍ରକାଶ (୩୮), ଶ୍ରୀ ନିୱାସ ରାଓ (୭୦) ଉଭୟ ହରିୟାଣା ରାଜ୍ୟର, କାଦିର ସନ୍ତର ରାଓ (୪୭) ରାୟଗଡ଼ା ଜିଲ୍ଲାର ବାସିନ୍ଦା ୩ ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ସୂଚନା ଦେଇଛନ୍ତି।
