ଜିଲ୍ଲାସ୍ତରୀୟ ଦ୍ଵିତୀୟ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ଅନୁଷ୍ଟିତ

ମାଲକାନଗିରି: ମାଲକାନଗିରି ଜିଲ୍ଲାସ୍ତରୀୟ ଦ୍ଵିତୀୟ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ସ୍ଥାନୀୟ ଇଣ୍ଡୋର ସ୍ପୋର୍ଟସ କମ୍ପ୍ଲେକ୍ସ ପରିସରରେ ଅନୁଷ୍ଟିତ ହୋଇଥିଲା । ମୁଖ୍ୟ ଅତିଥି ଭାବରେ ଜିଲ୍ଲାପାଳ ବିଶାଲ ସିଂଙ୍କ ଦ୍ଵାରା ଟୁର୍ଣ୍ଣାମେଣ୍ଟର ଶୁଭ ଉଦ୍ଘାଟନ କରାଯାଇଥିଲା । ଏହି ଟୁର୍ଣ୍ଣାମେଣ୍ଟରେ ଜିଲ୍ଲାର ସାତଟି ବ୍ଲକରୁ ୨୫ଟି ଟିମ୍ ଭାଗ ନେଇଥିଲେ । ଏହା ତିନି ଦିନ ଧରି ଚାଲିବ । ଜିଲ୍ଲା ବ୍ୟାଡମିଣ୍ଟନ ଆସୋସିଏସନର ସଭାପତି ଜଗନ୍ନାଥ ସାହୁ ଓ ସମ୍ପାଦକ ପ୍ରିତପାଲ ସିଂଙ୍କ ନେତୃତ୍ୱରେ ଏହି ଟୁର୍ଣ୍ଣାମେଣ୍ଟ ଆୟୋଜନ କରାଯାଇଥିଲା । ଜିଲ୍ଲାରେ କ୍ରୀଡା କ୍ଷେତ୍ରରେ ସରକାରଙ୍କ ପକ୍ଷରୁ ବିଭିନ୍ନ ପ୍ରତ୍ସାୟନ ଦିଆଯାଉଛି । ଏବଂ ମାଥିଲି ଠାରେ କ୍ରୀଡା କ୍ଷେତ୍ରରେ ବିକାସ ଓ ଗ୍ରାମାଂଚଳରୁ କ୍ରୀଡା କ୍ଷେତ୍ରରେ ପ୍ରତିଭା ବାନ ଯୁବକ, ଯୁବତୀ ଓ ଛାତ୍ର ଛାତ୍ରୀଙ୍କ ନିମନ୍ତେ ଆଉ ଏକ ନୂତନ ଷ୍ଟାଡ଼ିୟମ ଗୃହ ନିର୍ମାଣ କରାଯିବ ବୋଲି ମୁଖ୍ୟ ଅତିଥି ଜିଲ୍ଲାପାଳ ସୂଚନା ଦେଇଥିଲେ । ଏହି ଅବସରରେ ଜିଲ୍ଲା କ୍ରୀଡା ଅଧିକାରୀ ଧ୍ରୁବ ଚରଣ ମୁଦୁଲି, ଏଲ ଆଇ ସି, ସି ଓ ଟି ସିନିୟର୍ ଫାଇନାନ୍ସିଆଲ୍ ଅଡ୍ଭାଇଜେର ଉତ୍ତମ କୁମାର ସନା, ଜିଲ୍ଲା ବ୍ୟାଡମିଣ୍ଟନ ସଂଘର କର୍ମକର୍ତ୍ତା ଓ ଟୁର୍ଣ୍ଣାମେଣ୍ଟର ଆୟୋଜକ କମ୍ପାନୀ ଅଧିକାରୀ ମାନେ ଉପସ୍ଥିତ ରହିଥିଲେ।