ମାଲକାନାଗିରି: ମାଲକାନାଗିରି ଜିଲ୍ଲା ସଦର ମହକୁମାସ୍ଥିତ ଏମ.ଭି.୩ ସ୍ଥିତ ବିଏସଏଫ କ୍ଯାମ୍ପଠାରେ ମାଟିଲଗ୍ନା ସାହିତ୍ଯ ସଂସଦ ପକ୍ଷରୁ ଆଜି ଅତି ଆଡମ୍ବର ସହିତ ରାକ୍ଷୀ ବନ୍ଧନ ଉତ୍ସବ ପାଳିତ ହୋଇଯାଇଛି । ମାଟିଲଗ୍ନା ସାହିତ୍ଯ ସଂସଦର ରାଜ୍ଯ ସଭାପତି କିଶୋର ଚନ୍ଦ୍ର ପ୍ରଧାନ ଙ୍କ ନେତୃତ୍ୱରେ ଅନୁଷ୍ଠିତ ଏହି ବର୍ଣ୍ଣାଢ୍ଯ ଉତ୍ସବରେ ମୁଖ୍ୟ ଅତିଥି ଭାବେ ବିଏସଏଫ ଡିଆଇଜି ଶୈଳେନ୍ଦ୍ର କେ ସିହ୍ନା, ସମ୍ମାନୀତ ଅତିଥି ଭାବେ କମାଣ୍ଡେଣ୍ଟ ଶିବ ଓମ, ସ୍ବତନ୍ତ୍ର ଅତିଥି ଭାବେ ସେକେଣ୍ଡ ଇନ କମାଣ୍ଡ ଏସ୍ ଗୁରୁରାଜ, ଡ଼େପୁଟି କମାଣ୍ଡଣ୍ଟ ଶୁଭଞ୍ଜନ ମହାପାତ୍ର ଓ ସହକାରୀ କମାଣ୍ଡଣ୍ଟ ଶ୍ରଦ୍ଧାକର ପାଢୀ, ପୂର୍ବତନ ଅଧ୍ୟାପକ ସରୋଜ କୁମାର ଦାଶ, ସମ୍ପାଦକ ଜୟନ୍ତ କୁମାର ମହାଳିକ, ଶିକ୍ଷାବିତ୍ ସିମାଞ୍ଚଳ ପଣ୍ଡା ଯୋଗ ଦେଇ ଆଜିର ଦିବସର ମହତ୍ଵ ଉପରେ ଆଲୋକପାତ କରିଥିଲେ । ଏ ଅବସରରେ ମାଲକାନାଗିରି ବିଏସ୍ଏଫ୍ ମୁଖ୍ଯ କାର୍ଯ୍ଯାଳୟ ତଥା ଦ୍ବିତୀୟ ବାଟାଲିୟନର ଶତାଧୀକ ଯବାନମାନଙ୍କୁ ମାଟିଲଗ୍ନା ସାହିତ୍ଯ ପରିବାରର ଭଉଣୀ ଓ ଡ୍ରିମ୍ ଡ୍ୟାନ୍ସ ଗ୍ରୁପର କୁନିକୁନି ଝିଅ ମାନେ ମିଠା ସହିତ ରକ୍ଷୀ ବାନ୍ଧିଥିଲେ । ଏହି ଅବସରରେ ଡ୍ରିମ ଡ୍ଯାନ୍ସ ଏକାଡେମୀର ଶିଶୁକଳାକାର ମାନଙ୍କ ଦ୍ବାରା ଦେଶମାତୃକା ସମ୍ପର୍କରେ ଗ୍ରୁପ ନୃତ୍ୟ ପରିବେଷଣ କରିଥିଲେ ।
