ଓରକେଲ ଥାନା ପକ୍ଷରୁ ଆମ ପୋଲିସ ସମିତି କାର୍ଯ୍ୟକ୍ରମ ଅନୁଷ୍ଠିତ

ମାଲକାନଗିରି, ୨୫।୯: ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ସୋମନାଥପୁର ପଞ୍ଚାୟତ ଅନ୍ତର୍ଗତ କଣ୍ଡେଲ ଗ୍ରାମରେ ଆଜି ଓରକେଲ ଥାନା ପକ୍ଷରୁ ଆମ ପୋଲିସ ସମିତି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମଟି ଥାନାଧିକାରୀ ଧୀରେନ ପଟ୍ଟନାୟକ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଏଥି ସମେତ ମୁଖ୍ୟ ଅତିଥି ସ୍ଥାନୀୟ ସରପଞ୍ଚ ମଞ୍ଜୁଳା ସୀସା ଯୋଗ ଦେଇଥିଲେ। ତେବେ ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ହେଲା ଗଞ୍ଜେଇ ଚାଷକୁ ସମ୍ପୂର୍ଣ୍ଣ ଭାବେ ବନ୍ଦ କରି ଅନ୍ୟ ଚାଷକୁ ଆପଣାଇବା, ସାଇବର ଠକ ମାନଙ୍କୁ ଠାରୁ କିପରି ବର୍ତ୍ତିବା, ଦେଶୀ ମଦ ରନ୍ଧନ ବନ୍ଦ କରିବା, ଜୁଆ ଖେଳିବା କୁ ବାରଣ କରିବା, ମଦ୍ୟ ପାନ କରି ଗାଡି ନ ଚଳାଇବା ଏବଂ ସର୍ବଦା ହେଲମେଟ ପିନ୍ଧି ଦୁଇ ଚକିଆ ଯାନ ଚଳାଇବା ଏବଂ ପୋଲିସକୁ ଭୟ ନ କରିବା ସହ ସଦାସର୍ବଦା ଜନସାଧାରଣଙ୍କ ନିମନ୍ତେ ଉପସ୍ଥିତ ରହି ଅପରାଧକୁ ମୂଳପୋଛ କରିବା ବୋଲି ବୈଠକରେ ଆଲୋଚନା ହୋଇଥିଲା। ଆଜିର ଏହି ସଚେତନତା କାର୍ଯ୍ୟକ୍ରମରେ କଣ୍ଡେଲ ସହ ଆଖପାଖ ଗ୍ରାମର ଶତାଧିକ ଗ୍ରାମବାସୀ ଉପସ୍ଥିତ ଥିଲେ।