ଭୁବନେଶ୍ୱର, ୧୩ / ୧୨: ଶିକ୍ଷା ଓ ଅନୁସନ୍ଧାନ (ସୋଆ)ର ଫ୍ୟାକଲ୍ଟି ଅଫ୍ ହସ୍ପିଟାଲିଟି ଆଣ୍ଡ ଟୁରିଜିମ୍ ମ୍ୟାନେଜମେଂଟ, ସ୍କୁଲ୍ ଅଫ୍ ହୋଟେଲ ମ୍ୟାନେଜମେଂଟ (ଏସ୍ଏଚ୍ଏମ୍)କୁ ଏଠାରେ ମଙ୍ଗଳବାର ଆୟୋଜିତ ଟାଇମସ ହସ୍ପିଟାଲିଟି ଆଇକନ୍ସ କାର୍ଯ୍ୟକ୍ରମରେ ଆଇକନିକ୍ ହସ୍ପିଟାଲିଟି ମ୍ୟାନେଜମେଂଟ ଇନ୍ଷ୍ଟିଚ୍ୟୁଟ୍ ୨୦୨୩ ସମ୍ମାନ ପ୍ରଦାନ କରାଯାଇଛି ।
ଏସ୍ଏଚ୍ଏମ୍ ପକ୍ଷରୁ ଡିନ୍ ପ୍ରଫେସର ସୁଶାନ୍ତ ରଞ୍ଜନ ଚଇନି ବଲିଉଡ୍ ଅଭିନେତ୍ରୀ ସମୀତା ସେଟ୍ଟୀଙ୍କ ଠାରୁ ଏହି ସମ୍ମାନ ଗ୍ରହଣ କରିଥିଲେ ।
କାର୍ଯ୍ୟକ୍ରମରେ ବିଶିଷ୍ଟ ବାଲୁକାଶିଳ୍ପୀ ଶ୍ରୀ ସୁଦର୍ଶନ ପଟ୍ଟନାୟକ, ଓଡ଼ିଶା ରେସ୍ତୋରା ସଂଘର ଉପସଭାପତି ଶ୍ରୀ ସମୀର ହାଂସ ଓ ସ୍ୱସ୍ତି ଗ୍ରୁପ୍ ଅଫ୍ ହୋଟେଲ୍ସର ଉପସଭାପତି ଶ୍ରୀ ପ୍ରିୟନାଥ ବେହେରାଙ୍କ ସହିତ ଏକ ଆଲୋଚନା ବେଳେ ପ୍ରଫେସର ଚଇନି ଓଡ଼ିଶାର ହସ୍ପିଟାଲିଟି ଶିଳ୍ପ କ୍ଷେତ୍ର ତଥା ଏସ୍ଏଚ୍ଏମ୍ ଭଳି ଶିକ୍ଷାନୁଷ୍ଠାନର ଏଥିରେ ଯୋଗଦାନ ବିଷୟରେ ଆଲୋକପାତ କରିଥିଲେ ।