ଆମ ସମ୍ବଳ ଅନୁଷ୍ଠାନର ଚତୁର୍ଥ ସ୍ଵନକ୍ଷତ୍ର ଦିବସ ଅବସରରେ ପାନୀୟ ଜଳ ବିତରଣ

କଟକ,୧୪/୪: ୨୦୨୧ ମସିହା ଏପ୍ରିଲ ୧୪ ତାରିଖ ତଥା ପବିତ୍ର ମହାବିଷୁବ ସଂକ୍ରାନ୍ତି ଦିନ ସାମାଜିକ ସଂଗଠନ ‘ଆମ ସମ୍ବଳ’ ଆତ୍ମପ୍ରକାଶ କରିଥିଲା। ଆଜି ଚତୁର୍ଥ ସ୍ଵନକ୍ଷତ୍ର ଦିବସ ଅବସରରେ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ଜିଲ୍ଲାପାଳଙ୍କ ଅଫିସ୍ ନିକଟ ହାଇକୋର୍ଟ ଗଡା ଠାରେ ସଭାପତି ଡକ୍ଟର ସୁଶାନ୍ତ କୁମାର ମହାପାତ୍ରଙ୍କ ତତ୍ତ୍ବାବଧାନରେ ଥଣ୍ଡା ପାନୀୟ ଜଳ ବିତରଣ କେନ୍ଦ୍ର ଖୋଲାଯାଇଛି। ଆୟୋଜିତ କାର୍ଯ୍ୟକ୍ରମରେ ୬୦୦ରୁ ଉର୍ଦ୍ଧ ଲୋକମାନଙ୍କୁ ଥଣ୍ଡା ଦହି ମିଶା ଜଳ ବଣ୍ଟନ କରାଯାଇଥିଲା। ଶାନ୍ତି କମିଟିର କୋଷାଧ୍ୟକ୍ଷ କେଦାରନାଥ ବେହେରା, ମୁଣ୍ଡାଳୀ ଜଳସେଚନର ବିଭାଗର ଅବସରପ୍ରାପ୍ତ ନିର୍ବାହୀ ଯନ୍ତ୍ରୀ ସୁମନ୍ତ କୁମାର ତ୍ରିପାଠୀ ଏବଂ କଟକ ଡିଆଇଇଟିର ବରିଷ୍ଠ ପ୍ରଶିକ୍ଷକ ଶକ୍ତି ପାଲ ପ୍ରମୁଖ ଅତିଥି ଭାବେ ଯୋଗ ଦେଇ ଏହି କେନ୍ଦ୍ରକୁ ଉଦଘାଟନ କରିଥିଲେ। ଏହି ଅବସରରେ ଅନୁଷ୍ଠାନର ଉପଦେଷ୍ଟା ସୋମନାଥ ରାଉତ, ଉପସଭାପତି ବିକ୍ରମ ଦାଶ, ଓମ୍ ପ୍ରକାଶ ରାଉତ, ପୁଷ୍ପାଙ୍କ ବାନାର୍ଜୀ, ସୁଶାନ୍ତ କୁମାର ଜେନା, ପ୍ରଭାସିନୀ ଜେନା, ଗୀତାଞ୍ଜଳି ମିଶ୍ର ପ୍ରମୁଖ ଯୋଗଦେଇ ଅନୁଷ୍ଠାନର ଏଭଳି ପ୍ରୟାସ କୁ ପ୍ରଶଂସା କରିଥିଲେ । କାର୍ଯ୍ୟକ୍ରମକୁ ଅନୁଷ୍ଠାନର ପ୍ରତିଷ୍ଠାତା ତଥା ସମ୍ପାଦକ ମାନସ ରଂଜନ ପରିଡ଼ା ପରିଚାଳନା କରିଥିବା ବେଳେ ଲକ୍ଷ୍ମୀଧର ଦାସ, ମହାଶିଷ ପ୍ରସାଦ, ଜ୍ଞାନରଞ୍ଜନ ବେହେରା, ନିଳାଦ୍ରୀ ଦାସ, ଦୀପକ କୁମାର ମଲ୍ଲିକ, ମନ୍ମଥ ସାହୁ, ସୁସ୍ମିତା ମହାନ୍ତି, ପ୍ରିୟଙ୍କା ପ୍ରିୟଦର୍ଶିନୀ, ରାଧାନାଥ ପ୍ରାଥମିକ ଶିକ୍ଷକ ଶିକ୍ଷା ପ୍ରତିଷ୍ଠାନର ଛାତ୍ରଛାତ୍ରୀ ଏବଂ ଅନୁଷ୍ଠାନର ସମସ୍ତ ସଦସ୍ୟ ସଦସ୍ୟା ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।