ଚିତ୍ରକୋଣ୍ଡା :-ଅଦ୍ୟ ତା ୦୧/୦୮/୨୪ ରିଖ ଦାର୍ଲା ବେଡା ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଥମ ସ୍ଵନକ୍ଷତ୍ର ଦିବସ ତଥା ପ୍ରଥମ ବର୍ଷ ଛାତ୍ର/ଛାତ୍ରୀ ମାନଙ୍କ ସ୍ୱାଗତ ଉତ୍ସବ ମହାସମାରୋହରେ ପାଳିତ ହୋଇଯାଇଛି l ଏହି ଉତ୍ସବରେ ଚିତ୍ରକୋଣ୍ଡା ଗୋଷ୍ଠୀ ଶିକ୍ଷା ଅଧିକାରୀ ସୁଶ୍ରୀ ଗାୟତ୍ରୀ ଦେବୀ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଅଧ୍ୟାପକ ଦିଲ୍ଲୀପ କୁମାର ଓଝା ମୁଖ୍ୟ ବକ୍ତା ଭାବେ ଓ ସମ୍ମାନୀତ ଅତିଥି ଭାବେ ଶ୍ରୀମତୀ ସସ୍ମିତା ନାୟକ, ଶ୍ରୀ ଅରୁଣ କୁମାର ସାହୁ ଯୋଗ ଦେଇଥିଲେ l ଅଧ୍ୟକ୍ଷ ଶ୍ରୀ ବାବୁଲି ଦିଶାରୀ କାର୍ଯ୍ୟକ୍ରମରେ ସଭାପତିତ୍ୱ କରିଥିବା ବେଳେ ସମସ୍ତ କାର୍ଯ୍ୟକ୍ରମକୁ ଅଧ୍ୟାପକ ଭୁଜ ହନ୍ତାଳ ପରିଚାଳନା କରିଥିଲେ l ପ୍ରଥମେ ଅତିଥିମାନଙ୍କ ପରିଚୟ ଓ ଆସନ ଗ୍ରହଣ ପରେ ପୁଷ୍ପଗୁଚ୍ଛ ପ୍ରଦାନ କରାଯାଇ ସମସ୍ତଙ୍କୁ ସ୍ୱାଗତ କରାଯାଇଥିଲା l ପରେ ପ୍ରଭୁ ଶ୍ରୀ ଜଗନ୍ନାଥଙ୍କ ଫଟୋଚିତ୍ରରେ ଧୂପ, ଦୀପ, ପୁଷ୍ପ ପ୍ରଦାନ କରାଯାଇ କାର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା ଅତିଥିମାନଙ୍କ ଅଭିଭାଷଣ ପରେ ପ୍ରଥମ ବର୍ଷରେ ଯୋଗ ଦେଇଥିବା ପିଲାମାନେ ସେମାନଙ୍କର ପରିଚୟ ପ୍ରଦାନ କରିଥିଲେ, ଏବଂ ତତପରେ ଦ୍ଵିତୀୟ ବର୍ଷର ପିଲାମାନେ ସେମାନଙ୍କର ଅଭିଜ୍ଞତା ବ୍ୟକ୍ତ କରିଥିଲେ l ପରେ ପରେ ମୁଖ୍ୟ ଅତିଥିଙ୍କ ଦ୍ୱାରା କେକ୍ କଟାଯାଇଥିଲା ଓ ସବୁ ପିଲାଙ୍କୁ ମିଠା ବଣ୍ଟନ କରାଯାଇ ଏକ ବର୍ଣ୍ଣାଢ୍ୟ ପରିବେଶରେ ପ୍ରଥମ-ସ୍ଵନକ୍ଷତ୍ର ଦିବସ ଆନନ୍ଦ ଉଲ୍ଲାସର ମାହୋଲ ଭିତରେ ପାଳିତ ହୋଇଥିଲା l ଏହି କାର୍ଯ୍ୟକ୍ରମରେ ସ୍ଥାନୀୟ ଗ୍ରାମବାସୀମାନେ ଅଂଶଗ୍ରହଣ କରି କାର୍ଯ୍ୟକ୍ରମର ଉଚ୍ଚ ପ୍ରଶଂସା କରିଥିଲେ l
