ଶିକ୍ଷକ ସାଦତ୍ ଅଲ୍ଲୀ ଖାଁଙ୍କୁ ଅବସରକାଳୀନ ସମ୍ବର୍ଦ୍ଧନା

କଟକ, ୩୧/୮: ସରକାରୀ ଅଭ୍ୟାସ ଉର୍ଦ୍ଦୁ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସୁଷମା ବେହେରାଙ୍କ ଅଧ୍ୟକ୍ଷତାରେ ଶନିବାର ବିଦ୍ୟାଳୟ ପରିସରରେ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ଏହି ବିଦାୟକାଳୀନ ସଭାରେ ବରିଷ୍ଠ ଶିକ୍ଷକ ସାଦତ୍ ଅଲ୍ଲୀ ଖାଁଙ୍କୁ ମାନପତ୍ର ଓ ଉପଢ଼ୌକନ ଦେଇ ବିଦ୍ୟାଳୟ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା। ଏହି ସଭାରେ ଅବସରପ୍ରାପ୍ତ ସହକାରୀ ମଣ୍ଡଳ ଶିକ୍ଷା ଅଧିକାରୀ ଅଜୟ କୁମାର ସାହୁ, ସରୋଜିନୀ ମିଶ୍ର, ଜିତେନ୍ଦ୍ର କୁମାର ମହାନ୍ତି, ବାଙ୍କୀ-ଡମପଡା ବ୍ଲକର ଅବସରପ୍ରାପ୍ତ ସହକାରୀ ମଣ୍ଡଳ ଶିକ୍ଷା ଅଧିକାରୀ ଅଶୋକ କୁମାର ପଟ୍ଟନାୟକ, କଟକ ଜିଲ୍ଲାର ପୂର୍ବତନ ସମ୍ପାଦକ ସୁଲଭ କୁମାର ବେହେରା, ପରିଚାଳନା କମିଟିର ସଭାପତି ଅପସନା ବେଗମ୍, ସିଆରସିସି ଦେବେନ୍ଦ୍ର ମୋହନ ଗମାଙ୍ଗ, ସୌର୍ଯ୍ୟ ରଞ୍ଜନ ଦାସ, ଅବସରପ୍ରାପ୍ତ ପ୍ରଧାନ ଶିକ୍ଷକ ବିଜୟ କୁମାର ନାଥ, ସୁଷମା ମାଝୀ, ଶିକ୍ଷକ ସଂଘର ପୂର୍ବତନ ସଭାପତି ପ୍ରଭାତ ପାଣିଗ୍ରାହୀ, ବିଶ୍ବ ରଂଜନ ମିଶ୍ର, ମନୋଜ କୁମାର ସ୍ବାଇଁ, କର୍ମକର୍ତ୍ତା ଏବଂ ବହୁ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଅତିଥି ଭାବେ ଯୋଗଦେଇ ଶିକ୍ଷକ ସାଦତ୍ ଅଲ୍ଲୀ ଖାଁଙ୍କ ଗୁଣାବଳୀ ସମ୍ପର୍କରେ ଆଲୋକପାତ କରିଥିଲେ। ଶିକ୍ଷୟିତ୍ରୀ ପରମିନ୍ ନିଶା ଅତିଥି ପରିଚୟ ଓ ସ୍ବାଗତ ଭାଷଣ ଦେଇଥିଲେ। ଶିକ୍ଷୟିତ୍ରୀ ଚନ୍ଦନା ମହାନ୍ତି, ଅନୁରାଧା ସ୍ବାଇଁ, ସୁପ୍ରିୟା ସେନାପତି, ରଜିଆ ବେଗମ୍, ସୈଦା ରାଜିଆ ବିଲାଲ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଏହି ଅବସରରେ ଛାତ୍ରୀଛାତ୍ର, ପୁରାତନ ଛାତ୍ରଛାତ୍ରୀ ଏବଂ ଅଭିଭାବକ ଅଭିଭାବିକା ଉପସ୍ଥିତ ଥିଲେ। ଶେଷରେ ଶିକ୍ଷୟିତ୍ରୀ ତବସୁମ ନିଶା ଧନ୍ୟବାଦ ଅର୍ପଣ କରିଥିଲେ।