ଆମ ସମ୍ବଳ ସଂଗଠନ ପକ୍ଷରୁ ଜିଲ୍ଲାସ୍ତରୀୟ ପ୍ରତିଯୋଗିତା

କଟକ, ୦୩/୧୦: ସାମାଜିକ ସଂଗଠନ ‘ଆମ ସମ୍ବଳ’ର ତୃତୀୟ ବାର୍ଷିକ ଉତ୍ସବ ପାଳନ ଉପଲକ୍ଷେ ଜିଲ୍ଲାସ୍ତରୀୟ ପ୍ରତିଯୋଗିତା ରବିବାର ଉର୍ଦ୍ଦୁ ଶିକ୍ଷକ ଶିକ୍ଷା ପ୍ରତିଷ୍ଠାନ, ଶେଖବଜାର ପରିସରରେ ଅନୁଷ୍ଠିତ ହୋଇଥିଲା। ଅନୁଷ୍ଠାନର ସଭାପତି ଡକ୍ଟର ସୁଶାନ୍ତ କୁମାର ମହାପାତ୍ରଙ୍କ ତତ୍ତ୍ବାବଧାନରେ ଆୟୋଜିତ ପ୍ରତିଯୋଗିତାରେ ବିଭିନ୍ନ ବ୍ଲକର ଶତାଧିକ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ପ୍ରାଥମିକ ବିଦ୍ୟାଳୟ ଠାରୁ ଆରମ୍ଭ କରି ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ମଧ୍ଯରେ ପ୍ରବନ୍ଧ, ଚିତ୍ରାଙ୍କନ, ବିତର୍କ, କୁଇଜ୍ ଆଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏହି ପ୍ରତିଯୋଗିତାରେ ବିଚାରକ ଭାବେ ଡିଆଇଇଟି, ନରସିଂହପୁର, କଟକର ବରିଷ୍ଠ ଶିକ୍ଷକ ପ୍ରଶିକ୍ଷଣ ଶକ୍ତି ପାଲ ଏବଂ ଚକ୍ରଧର ସାହୁ ପ୍ରମୁଖ ଯୋଗ ଦେଇଥିଲେ। ଆସନ୍ତା ନଭେମ୍ବର ୧୦ ତାରିଖରେ ରାଧାନାଥ ଅଡିଟୋରିୟମ ପରିସରରେ ଅନୁଷ୍ଠିତ ହେବାକୁ ବାର୍ଷିକ ଉତ୍ସବ ଅବସରରେ ପ୍ରତିଯୋଗିତାର କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯିବା ସହ ସମସ୍ତ ପ୍ରତିଯୋଗୀଙ୍କୁ ଅଂଶଗ୍ରହଣ ସାର୍ଟିଫିକେଟ ପ୍ରଦାନ କରାଯିବ ବୋଲି ଅନୁଷ୍ଠାନର ପ୍ରତିଷ୍ଠାତା ତଥା ସମ୍ପାଦକ ମାନସ ରଞ୍ଜନ ପରିଡା ସୂଚନା ପ୍ରଦାନ କରିଛନ୍ତି । ଅନୁଷ୍ଠାନର ଉପସଭାପତି ଆଲୋକେଶ ରାୟ, ଲକ୍ଷ୍ମୀଧର ଦାସ, ଦେବେନ୍ଦ୍ର ମୋହନ ଗମାଙ୍ଗ, ଜ୍ଞାନରଞ୍ଜନ ବେହେରା, ମହାଶିଷ ପ୍ରସାଦ, ବିଚିତ୍ରାନନ୍ଦ ବେହେରା, ସୁଶାନ୍ତ କୁମାର ଜେନା, ନିଳାଦ୍ରୀ ଦାସ, ଅନୁସୂୟା ପରିଡ଼ା, ପ୍ରଭାସିନୀ ଜେନା, ବିନିତା ନନ୍ଦୀ, ମନ୍ମଥ ସାହୁ ଏବଂ ଆରଏନ୍ଇଟିଇଆଇର ଗୁରୁ ଛାତ୍ରଛାତ୍ରୀମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।