ଭୁବନେଶ୍ୱର, ନଭେମ୍ବର ୨୮: ଓଡ଼ିଆ ଉତ୍କର୍ଷ କେନ୍ଦ୍ରର ପ୍ରକଳ୍ପ ନିର୍ଦ୍ଦେଶକ ପ୍ରଫେସର ବସନ୍ତ କୁମାର ପଣ୍ଡା ଗୁରୁବାର ଏଠାରେ ଶିକ୍ଷା ଓ ଅନୁସନ୍ଧାନର ପ୍ରତିଷ୍ଠାତା ସଭାପତି ପ୍ରଫେସର (ଡ) ମନୋଜରଞ୍ଜନ ନାୟକଙ୍କ ସହ ସୌଜନ୍ୟମୂଳକ ସାକ୍ଷାତ କରି ଆଲୋଚନା କରିଛନ୍ତି ।
ଓଡ଼ିଶାରେ ଗୁଣାତ୍ମକ ଶିକ୍ଷକଙ୍କ ଆବଶ୍ୟକତା ଦୃଷ୍ଟିରୁ ସୋଆ ପକ୍ଷରୁ ଏକ ଶିକ୍ଷକ ପ୍ରଶିକ୍ଷଣ କାର୍ଯ୍ୟକ୍ରମ ଆରମ୍ଭ କରିବାର ସମ୍ଭାବନା ବିଷୟରେ ପ୍ରଫେସର ପଣ୍ଡା ପ୍ରଫେସର (ଡ) ନାୟକଙ୍କ ସହ ପ୍ରାରମ୍ଭିକ ଆଲୋଚନା କରିଥିଲେ ।
ଏହି ଅବସରରେ ସେ ପ୍ରଫେସର (ଡ) ନାୟକଙ୍କୁ ଉତରୀୟ ପ୍ରଦାନ କରି ସମ୍ମାନିତ କରିବା ସହ ତାଙ୍କୁ ‘ନରେନ୍ଦ୍ର ନନ୍ଦନିକା’ ପୁସ୍ତକ ଉପହାର ଦେଇଥିଲେ । ଆଲୋଚନା ସମୟରେ ସୋଆର ଆନ୍ତର୍ଜାତିକ ସଂପର୍କ ଓ ବିଶ୍ୱବିଦ୍ୟାଳୟ ଆଉଟରିଚ୍ କାର୍ଯ୍ୟକ୍ରମ ନିର୍ଦ୍ଦେଶକ ପ୍ରଫେସର ନଚିକେତା କେ. ଶର୍ମା ଉପସ୍ଥିତ ଥିଲେ ।