କଟକ, ୩୦/୧୧: ସାମାଜିକ ସଂଗଠନ ‘ଆମ ସମ୍ବଳ’ ପକ୍ଷରୁ ଭକ୍ତମଧୁ ବିଦ୍ୟାପୀଠରେ ଦଶମ ଶ୍ରେଣୀରେ ପଢୁଥିବା ଗରିବ ଛାତ୍ରଛାତ୍ରୀମାନଙ୍କୁ ଟେଷ୍ଟ ପେପର ପ୍ରଦାନ କରାଯାଇଥିଲା। ଅନୁଷ୍ଠାନର ସଭାପତି ଡକ୍ଟର ସୁଶାନ୍ତ କୁମାର ମହାପାତ୍ରଙ୍କ ତତ୍ତ୍ବାବଧାନରେ ଆୟୋଜିତ କାର୍ଯ୍ଯକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଧୃତିଦୀପା ପରିଡ଼ା, ଏନସିସି କମାଣ୍ଡିଙ୍ଗ ଅଫିସର କ୍ୟାପଟେନ ଆଶୁତୋଷ ତ୍ରିପାଠୀ, ଏନସିସି ଅଫିସର କୃପାସିନ୍ଧୁ ସାହୁ, ସିଆରସିସି ଦେବେନ୍ଦ୍ର ମୋହନ ଗମାଙ୍ଗ, ଆମ ସମ୍ବଳ ସଂଗଠନର ଉପସଭାପତି ଆଲୋକେଶ ରାୟ, ବରିଷ୍ଠ ସଦସ୍ଯ ପୁଷ୍ପାଙ୍କ ବାନାର୍ଜୀ, ନିଳାଦ୍ରୀ ଦାସ, କୋଷାଧ୍ୟକ୍ଷା ପ୍ରଭାସିନୀ ଜେନା, ବିନିତା ନନ୍ଦୀ ପ୍ରମୂଖ ଉପସ୍ଥିତ ରହି ଛାତ୍ରଛାତ୍ରୀମାନଙ୍କୁ ମାଟ୍ରିକ ଟେଷ୍ଟ ପେପର ପ୍ରଦାନ କରିଥିଲେ। ଏହି ଅବସରରେ ବିଦ୍ୟାଳୟ ପରିସରରେ ବୃକ୍ଷରୋପଣ କରାଯାଇଥିଲା। କାର୍ଯ୍ୟକ୍ରମକୁ ଅନୁଷ୍ଠାନର ପ୍ରତିଷ୍ଠାତା ତଥା ସମ୍ପାଦକ ମାନସ ରଞ୍ଜନ ପରିଡା ପରିଚାଳନା କରିଥିବା ବେଳେ ସଦସ୍ଯ ଲକ୍ଷ୍ମୀଧର ଦାସ, ରାୟଗୁରୁ ରାମଚନ୍ଦ୍ର ମହାପାତ୍ର, ଏବଂ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ।
