ମାଲକାନଗିରି ବ୍ଲକସ୍ତରୀୟ ମାଲ୍ୟବନ୍ତ ମହୋତ୍ସବ ଅନୁଷ୍ଠିତ

ମାଲକାନଗିରି, ୪।୧୨ ମାଲକାନଗିରି ଜିଲ୍ଲା ସଦର ପଞ୍ଚାୟତ ସମିତି ପକ୍ଷରୁ ବ୍ଲକସ୍ତରୀୟ ମାଲ୍ୟବନ୍ତ ମହୋତ୍ସବ ୨୦୨୪ ଶୁଭ ଉଦଘାଟନ ହୋଇଯାଇଛି। ଆଜିର ଏହି ଉଦଘାଟନ ଉତ୍ସବରେ ମାଲକାନଗିରି ବିଧାୟକ ନରସିଂହ ମାଡକାମୀ, ପଞ୍ଚାୟତ ସମିତି ଅଧ୍ୟକ୍ଷା ଗୌରି ପଡ଼ିଆମୀ, ଉପାଧ୍ୟକ୍ଷ ନିରଞ୍ଜନ ହାଲଦାର, ସାଂସଦ ପ୍ରତିନିଧି ସଞ୍ଜୟ ସରକାର, ଜିଲ୍ଲାପାରିସଦ ସଦସ୍ୟ ମୁକା ପଡ଼ିଆମୀ, ଅତିରିକ୍ତ ଜିଲ୍ଲାପାଳ ବେଦବର ପ୍ରଧାନ, ସୋମନାଥ ପ୍ରଧାନ ମଞ୍ଚରେ ମଞ୍ଚାସିନ ହୋଇଥିଲେ। ଆଜି ସାକାଳୁ ବ୍ଲକ ପକ୍ଷରୁ କଳସ ଯାତ୍ରାରୁ ଏହି କାର୍ଯ୍ୟକ୍ରମର ଶୁଭ ଆରମ୍ଭ ହୋଇଥିଲା। କଳସ ଯାତ୍ରାରେ ପଂଚାୟତ ସମିତି ଗୋଷ୍ଠୀ ଉନ୍ନୟନ ଅଧିକାରୀ ତପନ କୁମାର ସେନାପତିଙ୍କ ଅଧ୍ୟକ୍ଷତାରେ ହଜାର ହଜାର ଲୋକଙ୍କ ଉପସ୍ଥିତିରେ ଆଜି ମାଲକାନଗିରି ସଦର ବ୍ଲକ ସ୍ତରୀୟ ମାଲ୍ୟବନ୍ତ ମହୋତ୍ସବ ଆରମ୍ଭ ହୋଇଯାଇଛି। ମାଲ୍ୟବନ୍ତ ମହୋତ୍ସବର ପ୍ରଥମ ରାଜନୀରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଛି। ମାଲ୍ୟବନ୍ତ ମହୋତ୍ସବ ଜିଲ୍ଲା ପାଇଁ ଏକ ଆନଦ ଆଣି ଦେଇଥାଏ ଏହାକୁ ଉପଭୋଗ କରିବାକୁ ପଂଚାୟତ ସମିତିର ପ୍ରତ୍ୟେକ ପଞ୍ଚାୟତରୁ ବ୍ଲକ ଓ ପଞ୍ଚାୟତସ୍ତରୀୟ ସମିତି ସଭ୍ୟ, ସରପଞ୍ଚ, ସହକାରୀ କାର୍ଯ୍ୟକାରୀ ନିର୍ବାହୀ ଯନ୍ତ୍ରୀ ଅଭିଜିତ ସେଠୀ ଓ ଜନସାଧାରଣ ଉପସ୍ଥିତ ହୋଇଛନ୍ତି।