ବଦଳିଲେ ମାଲକାନଗିରି ପିଏ ଆଇଟିଡ଼ିଏ, ଉପଜିଲ୍ଲାପାଳଙ୍କୁ ଅତିରିକ୍ତ ଦାୟିତ୍ଵ

ମାଲକାନଗିରି, ୧୦।୧୨: ମାଲକାନଗିରିର ପିଏ ଆଇଟିଡିଏ ଜୟଶ୍ରୀଙ୍କ ବଦଳି ହୋଇଛି। ମାଲକାନଗିରିରୁ ତାଙ୍କୁ ବ୍ରହ୍ମପୁର ଆରଡିସି କାର୍ଯ୍ୟାଳୟକୁ ବଦଳି କରାଯାଇଥିବା ନେଇ ଜଣା ପଡିଛି। ବାରମ୍ବାର ବଦଳି ଓ ବଦଳି ବାତିଲକୁ ନେଇ ଏହି ସରକାରୀ ଅଧିକାରିଣୀ ଜଣକ ଚର୍ଚ୍ଚାରେ ରହି ଆସିଥିଲେ ସେହିପରି ବିଭିନ୍ନ କାର୍ଯ୍ୟ ଓ ଅଭିଯୋଗକୁ ନେଇ ଅନେକ ବିବାଦରେ ମଧ୍ୟ ଛନ୍ଦି ହୋଇପଡିଥିଲେ। ସେ ଯାହା ହେଉ ସରକାର ଶେଷରେ ତାଙ୍କୁ ବ୍ରହ୍ମପୁର ଆରଡିସି କାର୍ଯ୍ୟାଳୟକୁ ବଦଳି କରିଛନ୍ତି । ମଙ୍ଗଳବାର ଦିନ ଜିଲ୍ଲାପାଳ ତାଙ୍କୁ ରିଲିଭ କରିଛନ୍ତି ଏବଂ ମାଲକାନଗିରି ଉପଜିଲ୍ଲାପାଳ ଦୁର୍ଯ୍ୟଧନ ଭୋଇ ମାଲକାନଗିରି ସମ୍ମାନିତ ଆଦିବାସୀ ଉନ୍ନୟନ ସଂସ୍ଥାର ପ୍ରକୋଲ୍ପ ପ୍ରଶାସକ ଭାବେ ଅତିରିକ୍ତ ଦାୟିତ୍ବ ଗ୍ରହଣ କରିଛନ୍ତି। ସେ ଜଣେ ଦକ୍ଷ, କର୍ତ୍ତବ୍ୟ ନିଷ୍ଟ, ସଚ୍ଚୋଟ ପ୍ରଶାସକ ଭାବେ ପୂର୍ବରୁ ନବରଙ୍ଗପୁର, ସୁନ୍ଦରଗଡ଼, କୋରାପୁଟ, ମାଲକାନଗିରି ଜିଲ୍ଲା ଅଞ୍ଚଳରେ ବେଶ ପରିଚିତ ।