ବିଜେପି ସାଂସଦ ପ୍ରତାପ ଷଡ଼ଙ୍ଗୀଙ୍କ ଉପରେ ଆକ୍ରମଣର ପ୍ରତିବାଦରେ ବିଜେପି ଯୁବ ମୋର୍ଚ୍ଚାର ବିକ୍ଷୋଭ ପ୍ରଦର୍ଶନ

ରାହୁଲ ଗାନ୍ଧୀଙ୍କ କୁଶପୁତ୍ତଳିକା ଦାହ
ମାଲକାନଗିରି: ବିଜେପିର ବରିଷ୍ଠ ନେତା ଓଡିଶାରୁ ଲୋକସଭାର ସାଂସଦ ତଥା ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀ ପ୍ରତାପ ଚନ୍ଦ୍ର ଷଡ଼ଙ୍ଗୀ ସାଂସଦ ପରିସରରେ କଂଗ୍ରେସର ଯୁବନେତା ରାହୁଲ ଗାନ୍ଧୀଙ୍କ ଦ୍ୱାରା ହେଇଥିବା ଆକ୍ରମଣ ବିରୁଦ୍ଧରେ ଆଜି ମାଲକାନଗିରି ଜିଲ୍ଲାର ବିଜେପି ଯୁବ ମୋର୍ଚ୍ଚା ସଭାପତି ରତନ ବଣିକଙ୍କ ଆହ୍ୱାନ କ୍ରମେ ମାଲକାନଗିରି ଯୁବମୋର୍ଚ୍ଚା ଦ୍ୱାରା ରାହୁଲ ଗାନ୍ଧୀଙ୍କ କୁଶପୁତ୍ତଳିକା ଦାହ ସହ ବିକ୍ଷୋଭ ପ୍ରଦର୍ଶନ କରିଛନ୍ତି। ଶତାଧିକ ବିଜେପି ଯୁବ ମୋର୍ଚ୍ଚା ଜିଲ୍ଲା କଂଗ୍ରେସ ଭବନ କାର୍ଯ୍ୟାଳୟ ସମ୍ମୁଖରେ ଏହି ବିକ୍ଷୋଭ ପ୍ରଦର୍ଶନ କରାଯାଇଥିଲା। ଆଗାମୀ ଦିନରେ ରାହୁଲ ଗାନ୍ଧୀ ନିଃସର୍ତ୍ତ କ୍ଷମା ପ୍ରାର୍ଥନା ନ କଲେ ତୃଣମୂଳସ୍ତରରେ ଜୋରଦାର ବିରୋଧ କରାଯିବ ବୋଲି ବିଜେପି ଯୁବ ମୋର୍ଚ୍ଚା ପକ୍ଷରୁ ଚେତାବନୀ ଦିଆଯାଇଛି। ଏହି ଅବସରରେ ରତନ ବଣିକ, ସର୍ଜୁ ସରକାର, ନିହାର ରାୟ, ଭବାନୀ ଶଙ୍କର ମୁଖାର୍ଜୀ, ଦିଲୀପ ଦଣ୍ଡପାଣି, ବାବୀ ବେହେରା, ଅଜୟ ଦେ, ତୁଷାର ସର୍ଦାର, ପ୍ରହଲ୍ଲାଦ ବସୁ ପ୍ରମୁଖ ଉପସ୍ଥିତ ରହିଥିଲେ।