ଭୁବନେଶ୍ୱର, ୨୩ /୧୨: ଶିକ୍ଷା କ୍ଷେତ୍ରରେ ନେତୃତ୍ୱ ନିମନ୍ତେ ଶିକ୍ଷା ଓ ଅନୁସନ୍ଧାନ (ସୋଆ)କୁ ଗତ ଶନିବାର ନୂଆଦିଲ୍ଲୀ ଠାରେ ଆଭିଭା କିଅନ୍ ପକ୍ଷରୁ ‘ଲିଡର ଇନ୍ ଏଜୁକେସ୍ନାଲ୍ ଡେଭଲପ୍ମେଂଟ ଆଣ୍ଡ ସୋସିଆଲ୍ ଇମ୍ପାକ୍ଟ’ ଭାବେ ମନୋନୀତ କରାଯାଇ ଗୋଲ୍ଡେନ୍ ଷ୍ଟାର ଆଇକନ୍ ଆୱାର୍ଡ ପ୍ରଦାନ କରାଯାଇଛି ।
ସୋଆ ପକ୍ଷରୁ ପ୍ରତିଷ୍ଠାତା ସଭାପତି ପ୍ରଫେସର (ଡକ୍ଟର) ମନୋଜରଞ୍ଜନ ନାୟକଙ୍କ ଅଫିସର-ଅନ୍-ସ୍ପେଶାଲ ଡ୍ୟୁଟି ଶ୍ରୀ ପ୍ରୀତମ ନାୟକ ଏହି ସମ୍ମାନ ଗ୍ରହଣ କରିଥିଲେ ।
କାର୍ଯ୍ୟକ୍ରମରେ ଶ୍ରୀ କଲ୍କି ଧାମର କଲ୍କି ପିଠାଧିଶ୍ୱର ଆଚାର୍ଯ୍ୟ ପ୍ରମୋଦ କ୍ରିଷ୍ଣନ୍, ଉତର ପ୍ରଦେଶ ସରକାରଙ୍କ ବୈଦ୍ୟୁତିକ ଓ ସୂଚନା ଓ ପ୍ରଯୁକ୍ତି ବିଭାଗର ମନ୍ତ୍ରୀ ଶ୍ରୀ ସୁନୀଲ ଶର୍ମା, ପୂର୍ବତନ ସାଂସଦ ଶ୍ରୀ ଅନୀଲ ଅଗ୍ରୱାଲ, ଉତରପୂର୍ବ ଦିଲ୍ଲୀର ମୁନିସିପାଲ୍ କାଉନ୍ସିଲର ଶ୍ରୀମତୀ ସତ୍ୟା ଶର୍ମା ଓ ବିଜେପି ନେତ୍ରୀ ଶ୍ରୀମତୀ ରୁଚିକା ଅଗ୍ରୱାଲ ଅତିଥି ଭାବେ ଯୋଗ ଦେଇଥିଲେ ।
ଶିଳ୍ପ, ମନୋରଞ୍ଜନ, କ୍ରୀଡ଼ା, ସ୍ୱାସ୍ଥ୍ୟସେବା, ଶିକ୍ଷା, ଗଣମାଧ୍ୟମ, ଉଦ୍ୟୋଗ ଏବଂ ସୂଚନା ଓ ପ୍ରଯୁକ୍ତି କ୍ଷେତ୍ରର ବ୍ୟକ୍ତିବିଶେଷ ଓ ଅନୁଷ୍ଠାନକୁ ଏହି ସମ୍ମାନ ପ୍ରଦାନ କରାଯାଇଥିଲା ।