ଓମ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ବିଜ୍ଞାନ ମେଳା

କଟକ: ସ୍ୱେଚ୍ଛାସେବୀ ଅନୁଷ୍ଠାନ ବି ଭଏସ ସହାୟତାରେ ମଧୁପାଟଣା ସ୍ଥିତ ଓମ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ବିଜ୍ଞାନ ମେଳା ଓ ମୀନା ବଜାର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ସଙ୍ଗଠନର ସଭାପତି ମନ୍ମଥ କୁମାର ମହାପାତ୍ର ଉଦଘାଟନ କରିଥିଲେ । ମେଳାରେ ପ୍ରାୟ ୩୫ଟି ବିଜ୍ଞାନ ପ୍ରକଳ୍ପ ଓ ୪୨ଟି ବ୍ୟବସାୟିକ ପ୍ରକଳ୍ପ ଛାତ୍ରଛାତ୍ରୀଙ୍କ ଦ୍ୱାରା ପ୍ରଦର୍ଶତ ହୋଇଥିଲା । ଏହି ପ୍ରକଳ୍ପ ଗୁଡିକୁ ଅବସରପ୍ରାପ୍ତ ପ୍ରଧାନ ଶିକ୍ଷକ ଦୁର୍ଯ୍ୟେଧନ ସାହୁ, ଶିକ୍ଷୟିତ୍ରୀ ଶୁଭସ୍ମିତା ମହାପାତ୍ର, ଗଣେଶ୍ୱର ନାୟକ ମୂଲ୍ୟାଙ୍କନ କରିଥିଲେ । ବିଦ୍ୟାଳୟର ପ୍ରଧାନ ଆଚାର୍ଯ୍ୟ ବୀରକିଶୋର ପ୍ରଧାନ ତତ୍ତ୍ୱବଧାନରେ ଆୟୋଜିତ ମେଳାରେ ମାନିନୀ ଓଝା, ଗୀତାଞ୍ଜଳୀ ମଲ୍ଲିକ, ମୋସ୍ନାରାଣୀ ମଲ୍ଲିକ ପ୍ରମୁଖ ପରିଚାଳନାରେ ସହଯୋଗ କରିଥିଲେ ।