ମାହାଙ୍ଗା/ବଡଚଣା: ଗତକାଲି ବିଳମ୍ବିତ ରାତି ପ୍ରାୟ ୨ଟାରୁ ୨:୩୦ ମଧ୍ୟରେ କଉଡୁକୋଲ ପେଟ୍ରୋଲ ପମ୍ପ ନିକଟର ନିଆଁ ଲାଗି ୫ ଟ୍ରକ ସହ ପାଖରେ ଥିବା ଏକ କ୍ୟାବିନ ଦୋକାନ ପୋଡ଼ି ନଷ୍ଟ ହୋଇଯାଇଛି l
ଖବରରୁ ପ୍ରକାଶ, କଉଡୁକୋଲ ପେଟ୍ରୋଲ ପମ୍ପଟି ଚଣ୍ଡିଖୋଲ-ପାରାଦ୍ଵୀପ ଜାତୀୟ ରାଜପଥ ଏନଏଚ ୫୩ କଡ଼ରେ ରହିଛି l ଏହି ପେଟ୍ରୋଲ ପମ୍ପ ନିକଟରେ କିଛି ଓସାରିଆ ଜାଗା ଥିବାରୁ ରାତିରେ ଡ୍ରାଇଭର ମାନେ ଟ୍ରକ ଗୁଡ଼ିକ ରଖି ସେଠାରେ ବିଶ୍ରାମ ନିଅନ୍ତି l ସବୁଦିନ ପରି କାଲିବି କିଛି ଟ୍ରକ ମଧ୍ଯ ସେଠାରେ ରହିଥିଲା l ବିଳମ୍ବିତ ରାତି ପ୍ରାୟ ଦୁଇଟାରୁ ଅଢେ଼ଇଟା ଭିତରେ ଏକ ଟ୍ରକରୁ ନିଆଁ ଜାଳିବା ଆରମ୍ଭ କରିଥିଲା l ପାଖାପାଖି କିଛି ଟ୍ରକ ଥିବାରୁ ସେହି ନିଆଁ ଅନ୍ୟ ଗାଡ଼ିକୁ ଆଖି ପିଛୁଳାକେ ମାଡିଗଲା l ଏହି ନିଆଁରେ ଅଣକା ଗ୍ରାମର ଏକ ବ୍ୟକ୍ତିଙ୍କ ୩ଟି ଟ୍ରକ, ଇଚ୍ଛାପୁର ଗ୍ରାମର ମିଟୁଙ୍କର ଗୋଟିଏ ଟ୍ରକ ପୋଡି ନଷ୍ଟ ହୋଇଯାଉଛି l ନିଆଁର ପରିମାଣ ଏତେ ଭୟଙ୍କର ଥିଲା ଯେ ପାଖରେ ଥିବା ଏକ କ୍ୟାବିନ ଦୋକାନ କଉଡୁକୋଲ ଗ୍ରାମର ସୁନିଲ ସାହୁଙ୍କର ପୋଡ଼ି ପାଉଁଶ ହୋଇଯାଇଛି l ସେ ତାଙ୍କ ଦୋକାନରେ ଏକ ଫ୍ରିଜ ସମେତ ଲକ୍ଷାଧିକ ଟଙ୍କାର ଜିନିଷ ରଖିଥିଲେ l ସବୁ ପୋଡି ଭସ୍ମ ହୋଇ ଯାଇଛି l ସ୍ଥାନୀୟ ଲୋକଙ୍କଠାରୁ ଖବର ପାଇ ମାହାଙ୍ଗା ଏବଂ ଚଣ୍ଡିଖୋଲ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିବା ପୂର୍ବରୁ ଗାଡ଼ି ଗୁଡିକ ଅଧାରୁ ଅଧିକ ପୋଡି ନଷ୍ଟ ଯାଇଥିଲା l ପାଖରେ ପେଟ୍ରୋଲ ପମ୍ପ ଥିବାରୁ ସମସ୍ତେ ଏକ ପ୍ରକାର ଭୟଭୀତ ହୋଇଯାଇଥିଲେ l କିନ୍ତୁ ଭଗବାନ ଦୟାରୁ ପେଟ୍ରୋଲ ପମ୍ପ ନିକଟକୁ ନିଆଁ ଯିବା ପୂର୍ବରୁ ଦମକଳ ବାହିନୀ ନିଆଁକୁ ଆୟତ୍ତ କରିଥିଲେ l ନିଆଁ କିପରି ଲାଗିଲା ତାହା ଏ ପର୍ଯ୍ୟନ୍ତ ଠିକ୍ ଭାବେ ଜଣାପଡିନଥିବା ବେଳେ କିଛି ଲୋକ କହୁଛନ୍ତି ଇଞ୍ଜିନ ହିଟ ହୋଇ କିମ୍ବା କିଛି ମଶା ଧୂପ ଦେଇ ସୋଇଥିବାରୁ ସେଥିରୁ ନିଆଁ ଲାଗିଥାଏ ବୋଲି ଚର୍ଚ୍ଚା ହେଉଛି l