ଆମ ସମ୍ବଳ ସଂଗଠନର‌ ବନ୍ଧୁମିଳନ

କଟକ,୧୨/୧: ସାମାଜିକ ସଂଗଠନ ‘ଆମ ସମ୍ବଳ’ ପକ୍ଷରୁ ସ୍ବାମୀ ବିବେକାନନ୍ଦଙ୍କ ଜୟନ୍ତୀ ଓ ବନ୍ଧୁମିଳନ ରବିବାର ଦିନ ସାନ ମୁଣ୍ଡଳୀ ପରିସରରେ ଅନୁଷ୍ଠିତ ହୋଇଥିଲା। ଅନୁଷ୍ଠାନର ସଭାପତି ଡକ୍ଟର ସୁଶାନ୍ତ କୁମାର ମହାପାତ୍ରଙ୍କ ପୌରୋହିତ୍ୟରେ ଆୟୋଜିତ ସଭାରେ ଡିଆଇଇଟି, ନରସିଂହପୁରର ବରିଷ୍ଠ ଶିକ୍ଷକ ପ୍ରଶିକ୍ଷିକ ଚକ୍ରଧର ସାହୁ, ବରିଷ୍ଠ ସାମ୍ବାଦିକ ଅନିଲ କୁମାର ଦାସ ପ୍ରମୁଖ ଅତିଥି ଭାବରେ ଯୋଗଦେଇ ସ୍ବାମୀ ବିବେକାନନ୍ଦଙ୍କ ଫଟୋଚିତ୍ରରେ ପୁଷ୍ପ ମାଲ୍ୟାର୍ପଣ କରିଥିଲେ। ଏହି ଅବସରରେ ଅନୁଷ୍ଠାନର ବାର୍ଷିକ କ୍ୟାଲେଣ୍ଡର ଓ ପୁସ୍ତକ ସବୁଜିମା ଉନ୍ମୋଚନ କରିଥିଲେ। ଅନୁଷ୍ଠାନର ଉପଦେଷ୍ଟା ସୋମନାଥ ରାଉତ, ଅବସରପ୍ରାପ୍ତ ଡିଜିଏମ୍ ଅଶୋକ କୁମାର ଧଳ, ଉପସଭାପତି ଆଲୋକେଶ ରାୟ, ବରିଷ୍ଠ ଆଇନଜୀବୀ ଶୁଭାଶିଷ ମହାନ୍ତି, ବରିଷ୍ଠ ଶିକ୍ଷକ ପ୍ରଶିକ୍ଷକ ଶକ୍ତି ପାଲ, ପଶୁପ୍ରେମୀ ପୁଷ୍ପାଙ୍କ ବାନାର୍ଜୀ, ଦେବେନ୍ଦ୍ର ମୋହନ ଗମାଙ୍ଗ, ଶୁଭେଶ କୁମାର ପୃଷ୍ଟି, ଡାକ୍ତର ସୌମେନ ଅମ୍ଳାନ, ବିନିତା ନନ୍ଦୀ, ଗୀତାଞ୍ଜଳି ମିଶ୍ର, ବିଳାସିନୀ ପଣ୍ଡା ପ୍ରମୁଖ ଉପସ୍ଥିତ ଥିଲେ। ଅନୁଷ୍ଠାନର ପ୍ରତିଷ୍ଠାତା ତଥା ସମ୍ପାଦକ ମାନସ ରଂଜନ ପରିଡ଼ା ଅତିଥି ପରିଚୟ ପ୍ରଦାନ କରିଥିଲେ। ପରେ ଅନୁଷ୍ଠାନ ପକ୍ଷରୁ ବରିଷ୍ଠ ଶିକ୍ଷକ ପ୍ରଶିକ୍ଷିକ ଶ୍ରୀଯୁକ୍ତ ସାହୁ ଏବଂ ବରିଷ୍ଠ ସାମ୍ବାଦିକ ଶ୍ରୀଯୁକ୍ତ ଦାସଙ୍କୁ ଉତ୍ତରୀୟ ଏବଂ ପୁଷ୍ପଗୁଛ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା। ମହାଶିଷ ପ୍ରସାଦ, ଲକ୍ଷ୍ମୀଧର ଦାସ, ସୁଶାନ୍ତ କୁମାର ଜେନା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ନିଳାଦ୍ରୀ ଦାସ, ମନ୍ମଥ ସାହୁ, ବିଜୟ କୁମାର ବେହେରା, ପ୍ରିୟଙ୍କା ପ୍ରିୟଦର୍ଶିନୀ ଅନୁଷ୍ଠାନର ସଦସ୍ୟ ସଦସ୍ୟା ଉପସ୍ଥିତ ରହି ସହଯୋଗ କରିଥିଲେ। ଶେଷରେ ଉପସଭାପତି ବିକ୍ରମ ଦାଶ ଧନ୍ୟବାଦ ଅର୍ପଣ କରିଥିଲେ।