ମାଲକାନଗିରି: ମାଲକାନଗିରି ଜିଲ୍ଲାସ୍ତରୀୟ ମାଲ୍ୟାବନ୍ତ ମହୋତ୍ସବର ବିଗୁଲ ବାଜିଲା ପରେ ମଙ୍ଗଳବାର ଦିନ ମାଲକାନଗିରି ବ୍ଲକସ୍ତରୀୟ ମାଲ୍ୟାବନ୍ତ ମହୋତ୍ସବ ପାଳନ କରାଯାଇଛି । ବିଡିଓ ଅଜୟ କୁମାର ପ୍ରଧାନଙ୍କ ଅଧ୍ୟକ୍ଷତାରେ ପାଳିତ ଏହି ମହୋତ୍ସବରେ ବ୍ଲକ୍ ଅଧକ୍ଷା ଗୌରୀ ପୋଡିଆମି, ଜିଲ୍ଲା ପରିଷଦ ସଦସ୍ୟ କୃଷ୍ଣ ଚନ୍ଦ୍ର ଅନୁଗୁ, ବ୍ଲକ୍ ଉପାଧ୍ୟକ୍ଷ ନିରଞ୍ଜନ ହାଲଦର, ସରପଞ୍ଚ, ସମିତି ସଭ୍ୟ, ସଭ୍ୟା ,ସ୍ବେଛାସେବୀ ସଙ୍ଗଠନ, ମହିଳା ସ୍ୱୟଂ ସହାୟକ ଗୋଷ୍ଠୀ ଏହି ମହୋତ୍ସବରେ ସାମିଲ ହୋଇଥିଲେ । ପ୍ରଥମେ ଏମ.ଭି-୧୧ ଗ୍ରାମ ନଦୀ ଠାରୁ ଜଳ ସଂଗ୍ରହ କରି ପବିତ୍ର କଳସ ଯାତ୍ରାର ଶୁଭାରମ୍ଭ କରାଯାଇଥିଲା । ସେଠାରୁ ବାହାରି ସଦର ମହକୁମା ବସ ଷ୍ଟାଣ୍ଡ ଦେଇ କୋୟା ଓ ଆଦିବାସୀ, ଢେମସା ନୃତ୍ୟରେ ତାଳେ ତାଳେ ସମସ୍ତେ ନାଚି ନାଚି ଏହି କଳସ ଯାତ୍ରା କରାଯାଇଥିଲା । ବାଦ୍ୟ, ନୃତ୍ୟ ଓ ଆତସବାଜିରେ ମାଲକାନଗିରି ସହର ଉତ୍ସବ ମୁଖର ହୋଇ ଉଠିଥିଲା । ପରେ ଏହି କଳସ ଯାତ୍ରା ବ୍ଲକ୍ ପରିସରରେ ପହଞ୍ଚିଥିଲା । ଏହି ଅବସରରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ କରାଯାଇଥିଲା ।
