କଂଗ୍ରେସ ଗୋଟାଉଛି ବଳ

କଟକ,(ନୃସିଂହ ଚରଣ ଦାସ): ସାଲେପୁର ବ୍ଲକ କଂଗ୍ରେସ ଗୋଟାଉଛି ବଳ । ଏକଦା ସାଲେପୁରରୁ କଂଗ୍ରେସ ନେତା ମାୟାଧର ସେଠୀ, ରବି ବେହେରା ଓ ପ୍ରକାଶ ବେହେରା ଦଳକୁ ସଂଗଠିତ କରିଥିଲେ । କିନ୍ତୁ ପ୍ରକାଶଙ୍କ ଦଳ ବଦଳ ଦଳକୁ ବଡ ଧକ୍କା ଦେଇଥିଲା । ଆଉ ବିଜେଡି ନେତା ପ୍ରଶାନ୍ତ ବେହେରା ବାଜି ମାରିଥିଲେ । ହେଲେ ବିଜେଡି ସହ ଫାଇଟ କରିଥିବା କଂଗ୍ରେସ ନେତା ରବୀନ୍ଦ୍ର କର ଦଳକୁ ସଂଘଠିତ କରି ପାରିନଥିଲେ । ହେଲେ ଏବେ ସାଲେପୁର କଂଗ୍ରେସର ମଙ୍ଗ ଧରିଛନ୍ତି ଇଞ୍ଜିନିୟରିଂ ଆକୁବ ଖାଁ । ଦଳକୁ ସଂଘଠିତ କରିବାକୁ ଗୋଟି ଚଳାଇଛନ୍ତି । ଯାହାର ପ୍ରତିଫଳନ ଦେଖିବାକୁ ମିଳିଥିଲା ଦଳୀୟ ପାଟି ଅଫିସରେ । ସାଲେପୁର ନିର୍ବାଚନ ମଣ୍ଡଳୀ ମହାଜନପୁର ପଞ୍ଚାୟତର କିଛି ଲୋକ ଇଞ୍ଜିନିୟରିଂ ଖାଁଙ୍କୁ ଭେଟିଥିଲେ । ଯାହାର ନେତୃତ୍ୱ ନେଇଥିଲେ ନରହରି ଦାସ । ନରହରିଙ୍କ ସୌଜନ୍ୟ ସାକ୍ଷାତ ସମୟରେ ପଞ୍ଚାୟତର ବିଭିନ୍ନ ସୁବିଧା ଅସୁବିଧା ସମ୍ପର୍କରେ ଆଲୋଚନା କରିଥିଲେ । ଆଗାମୀ ଦିନରେ ଦଳକୁ ସଂଗଠିତ କରିବା ଲାଗି ସମସ୍ତଙ୍କ ସହଯୋଗ କାମନା କରିଥିଲେ କଂଗ୍ରେସ ନେତା ଇଞ୍ଜିନିୟରିଂ ଖାଁ ।