ଡ଼ିଏଭି ଗୁରୁକୁଲ ଏବଂ ଗୁଡ଼ ମର୍ନିଙ୍ଗ ପ୍ଲେ ସ୍କୁଲ ମିଳିତ ଆନୁକୂଲ୍ୟରେ ବାର୍ଷିକ କ୍ରୀଡ଼ା ଉତ୍ସବ ଅନୁଷ୍ଠିତ

ଚିତ୍ରକୋଣ୍ଡା, ୧୬/୦୨/୨୩: ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ଅନ୍ତର୍ଭୁକ୍ତ ସ୍ଥାନୀୟ ଚିତ୍ରକୋଣ୍ଡା ସ୍ଥିତ ଡ଼ିଏଭି ଗୁରୁକୁଲ ଏବଂ ଗୁଡ଼ ମର୍ନିଙ୍ଗ ପ୍ଲେ ସ୍କୁଲ ମିଳିତ ଆନୁକୂଲ୍ୟରେ ବାର୍ଷିକ କ୍ରୀଡ଼ା ଉତ୍ସବ ଅନୁଷ୍ଠିତ ହୋଇଯାଇଛି l ଉଭୟ ଦ୍ୱୟ ବିଦ୍ୟାଳୟର ଅଧକ୍ଷା ରାଜଲଷ୍ମୀ ଦାଶଙ୍କ ନେତୃତ୍ୱରେ ସମସ୍ତ ଶିକ୍ଷକ ମାନଙ୍କ ସହଯୋଗରେ ବିଦ୍ୟାଳୟ ନିକଟସ୍ଥ ଲାଲ ବାହାଦୁର ଶାସ୍ତ୍ରୀ ଏଣ୍ଡ ସ୍ପୋର୍ଟ୍ସ କ୍ଲବର ଖେଳ ପଡ଼ିଆ ପରିସରରେ ସମସ୍ତ ଛାତ୍ର ଛାତ୍ରୀ ମାନଙ୍କୁ ନେଇ ବାର୍ଷିକ କ୍ରୀଡ଼ା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l ପ୍ରତିଯୋଗିତା ମଧ୍ୟରେ ଦୌଡ଼ ପ୍ରତିଯୋଗିତା, ଖୋ ଖୋ, ଲଙ୍ଗ ଜମ୍ପ, ହାଇ ଜମ୍ପ ଭଳି ବହୁ ଖେଳ ପ୍ରତିଯୋଗିତା କରାଯାଇଥିଲା l କ୍ରୀଡ଼ା ମାଧ୍ୟମରେ ଶିଶୁ ମାନଙ୍କର ଶାରୀରିକ, ମାନସିକ ତଥା ବୌଦ୍ଧିକର ବିକାଶ ହୋଇପାରିବ, ଆଜିର ଶିଶୁ ଆଗାମୀ ଦିନର ଉତ୍ତମ ନାଗରିକ ହୋଇ କ୍ରୀଡ଼ା କ୍ଷେତ୍ରରେ ସୁନାମ ଅର୍ଜନ କରିପାରିବେ l ଉତୀର୍ଣ୍ଣ ପ୍ରତିଯୋଗୀ ଛାତ୍ର ଛାତ୍ରୀ ମାନଙ୍କୁ ବିଦ୍ୟାଳୟ ବାର୍ଷିକ ଉତ୍ସବ ଅବସରରେ ପୁରସ୍କୃତ କରାଯିବ ବୋଲି ବିଦ୍ୟାଳୟ ତରଫରୁ ସୂଚନା ମିଳିଛି l