ମାଲକାନଗିରି ପୋଲିସ ଦ୍ୱାରା ଗୌଡ଼ଗୁଡାରୁ ଗଞ୍ଜେଇ ଜବତ

ମାଲକାନଗିରି, ୨୧।୩: ଗଞ୍ଜେଇ ଚାଲାଣ ବେଳେ ମାଲକାନଗିରି ପୋଲିସ ଦ୍ୱାରା ୨୨ କେଜି ଗଞ୍ଜେଇ ଜବତ କରି ଜଣଙ୍କୁ ଗିରଫ କରିଛି । ମିଳିଥିବା ସୂଚନା ଅନୁଯାୟୀ ମାଲକାନଗିରି ଜିଲ୍ଲା ପୋଲିସ ପକ୍ଷରୁ ଗତକାଲି ସନ୍ଧ୍ୟାରେ ଏସ୍ଆଇ ଏସ୍.କେ ପାଇକ, କନେଷ୍ଟବଳ ଲକ୍ଷ୍ମଣ ମାରାଣ୍ଡି, ସୁବଳ ବଳ ସମେତ ପୁଲିସ ଟିମ୍ ଗୌଡଗୁଡା ଛକ ଠାରେ ଗାଡି ଯାଞ୍ଚ କରୁଥିଲେ। ସେହି ସମୟରେ ଗୋଟିଏ ଧଳା ସ୍କୁଟିକୁ ଅଟକାଇ ଯାଞ୍ଚ କରିବା ବେଳକୁ ସେଥିରେ ୨୨ କିଲୋ ଗଞ୍ଜେଇ ମିଳିଥିଲା । ଏନେଇ ପୁଲିସ ଥାନାରେ ମାମଲା ରୁଜୁ କରି ଅଭିଯୁକ୍ତ ଗିରଫ କରିବା ସହ ଆଜି କୋର୍ଟ ଚାଲାଣ କରିଥିବା ମାଲକାନଗିରି ଥାନା ଅଧିକାରୀ ରିଗାନ୍ କିଣ୍ଡୋ କହିଛନ୍ତି। ଗିରଫ ବ୍ୟକ୍ତି ଜଣକ ହେଲା ଉତ୍ତରପ୍ରଦେଶ ରାଜ୍ୟର ଲିକାକ୍ୟୁ ବୋଲି ଜଣାପଡିଛି ।