ଗଣିତ ପାଠ: ଝିଅ ଆଗୁଆ ନା ପୁଅ ? ପୂର୍ବ ଧାରଣାକୁ ବଦଳାଇ ଦେଲା ୟୁନିସେଫ ରିପୋର୍ଟ

ଛାତ୍ରଛାତ୍ରୀଙ୍କ ପାଇଁ ସ୍କୁଲ ଶିକ୍ଷାରେ ଅଧିକାଂଶ ପିଲାଙ୍କ ପାଇଁ ଗଣିତ ଏକ କଷ୍ଟକର ପାଠ । ଆଉ ଏହି ପାଠରେ କିଏ ଆଗୁଆ ? ପୁଅ ନା ଝିଅ ? ଏହାର ଉତରରେ ସମସ୍ତେ ଏକମତ ହେବେ ଗଣିତରେ ଝିଅଙ୍କ ତୁଳନାରେ ପୁଅ ଭଲ କରନ୍ତି । ଆପଣଙ୍କର ବି ଯଦି ଏଭଳି ଧାରଣା ରହିଛି ତେବେ ବଦଳାଇ ଦିଅନ୍ତୁ । କାରଣ ଏବେ ୟୁନିସେଫର ସଦ୍ୟ ପ୍ରକାଶିତ ରିପୋର୍ଟରୁ ଠିକ ଓଲଟା ତଥ୍ୟ ମିଳିଛି ।

ରିପୋର୍ଟରୁ ଜଣାପଡିଛି ଗଣିତରେ ଛାତ୍ରଙ୍କ ଅପେକ୍ଷା ଛାତ୍ରୀଙ୍କ ପ୍ରଦର୍ଶନ ଓ ସମସ୍ୟା ସମାଧାନ ଦକ୍ଷତା ଅଧିକ । ସର୍ବେକ୍ଷଣରେ ୮୩ ଦେଶର ପିଲାଙ୍କ ଗଣିତରେ ପ୍ରଦର୍ଶନକୁ ନେଇ ରିପୋର୍ଟ ପ୍ରକାଶିତ ହୋଇଛି । ଯେଉଁଥିରେ ୩୪ଟି ଦେଶରେ ପୁଅ ଗଣିତରେ ଆଗୁଆ ଥିଲା ବେଳେ ୩୮ଦେଶର ପୁଅଙ୍କ ଅପେକ୍ଷା ଝିଅଙ୍କ ପ୍ରଦର୍ଶନ ଗଣିତରେ ଭଲ । ମୋଟାମୋଟି କହିବାକୁ ଗଲେ ପୁଅଙ୍କ ତୁଳନାରେ ଝିଅମାନେ ଗଣିତରେ ଅଧିକ ନିପୁଣ ବୋଲି ୟୁନିସେଫର ରିପୋର୍ଟ କହୁଛି । ୟୁନିସେଫର ରିପୋର୍ଟ ଅନୁସାରେ:

ବି.ଦ୍ର– ଏସିଆ ମହାଦେଶର ୧୯ ଦେଶ ମଧ୍ୟରୁ କେବଳ କୁଏତ, ଲେବାନନ, କାମ୍ବୋଡିଆ ଓ ସାଉଦି ଆରବରେ ପୁଅଙ୍କ ତୁଳନାରେ ଝିଅଙ୍କ ପ୍ରଦର୍ଶନ ଗଣିତରେ ଦୁର୍ବଳ । ତେବେ ୟୁନିସେଫ ରିପୋର୍ଟରେ ଭାରତ, ଚୀନ ସମେତ ଦ କ୍ଷିଣ ଏସିଆର ଗୋଟିଏ ବି ରାଷ୍ଟ୍ରର ତଥ୍ୟ ନାହିଁ ।

ୟୁରୋପ, ଆମେରିକା : ଗଣିତରେ କିଏ ନିପୁଣ ?

ଦେଶ                                              ପୁଅ                             ଝିଅ
କାନାଡା                                          ୮୪%                         ୮୪%
ଫିନଲାଣ୍ଡ୍                                        ୮୩%                         ୮୭%
ବ୍ରିଟେନ୍                                          ୮୨%                         ୮୦%
ବେଲଜିୟମ୍                                    ୮୨%                          ୭୯%
ସ୍ୱିଡେନ୍                                          ୮୧%                          ୮୨%
ଜର୍ମାନୀ                                          ୭୯%                          ୭୯%
ଫ୍ରାନ୍ସ୍                                             ୭୯%                          ୭୯%
ନ୍ୟୁଜିଲାଣ୍ଡ୍                                      ୭୯%                          ୭୮%
ଋଷିଆ                                          ୭୮%                          ୭୮%
ଅଷ୍ଟ୍ରେଲିଆ                                     ୭୮%                          ୭୭%
ପର୍ତ୍ତୁଗାଲ                                       ୭୭%                          ୭୭%
ଆମେରିକା                                    ୭୪%                           ୭୨%
ଇଟାଲି                                         ୬୪%                           ୬୧%

ବି.ଦ୍ର– ୟୁରୋପ ଓ ଆମେରିକୀୟ ମହାଦେଶରେ ଗଣିତରେ ଭଲ ଦଖଲ ନେଇ ଉଭୟ ପୁଅ ଓ ଝିଅଙ୍କ ମଧ୍ୟରେ ଛକାପଞ୍ଝା ଦେଖିବାକୁ ମିଳିଛି । କେଉଁଠି ପୁଅ ଆଗରେ ଅଛି ତ କେଉଁଠି ପୁଅଙ୍କୁ ଟପି ଯାଇଛନ୍ତି ଝିଅ । ଏପରିକି ଦୁଇରୁ ଅଧିକ ରାଷ୍ଟ୍ରରେ ପୁଅ ଓ ଝିଅଙ୍କ ପ୍ରଦର୍ଶନ ଗଣିତରେ ପାଖାପାଖି ସମାନ ରହଛି ।

ଆଫ୍ରିକା ମହାଦେଶ: ଗଣିତରେ ପୁଅ-ଝିଅ ଦୁର୍ବଳ !

ଦେଶ                                      ପୁଅ                         ଝିଅ
ଉଗାଣ୍ଡା                                  ୪୯%                    ୩୪%
ଟ୍ୟୁନିସିଆ                              ୨୭%                     ୨୪%
ଇଜିପ୍ଟ                                  ୨୦%                     ୨୩%
ଅଲଜେରିଆ                          ୧୮%                     ୨୧%
ମରକ୍କୋ                              ୧୪%                      ୧୫%
ସେନେଗାଲ                          ୦୮%                     ୦୭%
ଜାମ୍ବିଆ                               ୦୨%                      ୦୩%

ବି.ଦ୍ର– ଆଫ୍ରିକା ମହାଦେଶର ୬ଟି ରାଷ୍ଟ୍ରରେ ଉଭୟ ପୁଅ ଝିଅଙ୍କ ଗଣିତରେ ନିପୁଣତା ନଗଣ୍ୟ । କେବଳ ଉଗାଣ୍ଡାରେ ପୁଅ ଏବଂ ଝିଅଙ୍କ ମଧ୍ୟରେ ଗଣିତରେ ପ୍ରଦର୍ଶନକୁ ନେଇ ତୁଳନା କରାଯାଇପାରେ ।

ଲାଟିନ ଆମେରିକା : ଗଣିତରେ ପୁଅ ଆଗୁଆ

ଦେଶ                   ପୁଅ                            ଝିଅ
ଉରୁଗୁଏ             ୫୧%                         ୪୮%
ମେକ୍ସିକୋ           ୨୭%                        ୨୪%
କଲୋମ୍ବିଆ         ୪୦%                         ୩୦%
ଆର୍ଜେଣ୍ଟିନା         ୩୫%                         ୨୭%
ବ୍ରାଜିଲ              ୩୪%                         ୩୦%
ଚିଲ୍ଲି                 ୩୨%                          ୨୪%

ବି.ଦ୍ର- ଲାଟିନ ଆମେରିକାରେ ଗଣିତ ବୁଝିବା ସମସ୍ୟା ସମାଧାନ କ୍ଷେତ୍ରରେ ପୁଅ ଆଗୁଆ ଥିଲା ବେଳେ ଝିଅ ପଛରେ ପଡିଥିବା ୟୁନିସେଫ ରିପୋର୍ଟରେ ପ୍ରକାଶିତ ହୋଇଛି ।