ମାଲକାନଗିରି, ୦୩/୦୫/୨୩: ମାଲକାନଗିରି ଜିଲ୍ଲା ସଦର ମହକୁମାରେ ଥିବା ମାଲକାନଗିରି ମହାବିଦ୍ୟାଳୟରେ ନୂତନ ଅଧ୍ୟକ୍ଷ ଭାବେ ଲିଙ୍ଗରାଜ ମିଶ୍ରଙ୍କୁ ନିଯୁକ୍ତି ଦିଆଯାଇଥିବା ବେଳେ ଆଜି ସେ ନିଜ ଦାୟିତ୍ବ ଗ୍ରହଣ କରିଛନ୍ତି । ପୂର୍ବରୁ ରାଜ୍ୟ ସରକାର ସ୍ଵତନ୍ତ୍ର ସଚିବ ରମାକାନ୍ତ ନାୟକଙ୍କ ଆଦେଶ ଓ ଉଚ୍ଚଶିକ୍ଷାର ଚିଠି ଅନୁଯାୟୀ ଶ୍ରୀ ମିଶ୍ରଙ୍କୁ ଅଧ୍ୟକ୍ଷ ଭାବେ ଦାୟିତ୍ବ ଗ୍ରହଣ କରିବା ପାଇଁ ଆଦେଶ ମିଳିଥିବା ବେଳେ ଶ୍ରୀ ମିଶ୍ର ଏଥି ପୂର୍ବେ ମାଲକାନଗିରି ମହାବିଦ୍ୟାଳୟରେ ଅର୍ଥନୀତି ବିଭାଗର ରିଡର ଭାବେ ଦାୟିତ୍ବ ତୁଲାଇ ଆସୁଥିଲେ । ତେବେ ଏଥିପୂର୍ବେ ମାଲକାନଗିରି ମହାବିଦ୍ୟାଳୟରେ ଅଶୋକ କୁମାର ଷଡଙ୍ଗି ଅଧ୍ୟକ୍ଷ ଭାବେ ଦାୟିତ୍ୱ ତୁଲାଇ ଆସୁଥିବା ବେଳେ ଆଜି ମାଲକାନଗିରି ମହାବିଦ୍ୟାଳୟର ପରିଚାଳନା କମିଟି ସଭାପତି ଡ଼ଃ ଉଦୟନାଥ ଖରାଙ୍କ ଉପସ୍ଥିତିରେ ବରିଷ୍ଠ ଅର୍ଥନୀତି ପ୍ରାଧ୍ୟାପକ ଶ୍ରୀ ମିଶ୍ର ମହାବିଦ୍ୟାଳୟର ନୂତନ ଅଧ୍ୟକ୍ଷ ଭାବରେ ଦାୟିତ୍ଵ ଗ୍ରହଣ କରିଥିଲେ ।
