ନୂତନ ପ୍ରଜାତିର କୋଚିଆ ମାଛ “କଳିଙ୍ଗ ଡୁଣା”

ବ୍ରହ୍ମପୁର: ଗୋପାଳପୁର ସ୍ଥିତ ଭାରତୀୟ ପ୍ରାଣୀ ବିଜ୍ଞାନ ସର୍ବେକ୍ଷଣ କେନ୍ଦ୍ରର ବୈଜ୍ଞାନିକ, ରେଭେନ୍ସା ବିଶ୍ୱବିଦ୍ୟାଳୟ ଏବଂ ବ୍ରହ୍ମପୁର ବିଶ୍ୱବିଦ୍ୟାଳୟର ପ୍ରଫେସର ମାନଙ୍କ ମିଳିତ ସହଯୋଗରେ ଏକ ନୂତନ କୋଚିଆ ପ୍ରଜାତିର ମାଛ ଚିହ୍ନଟ କରାଯାଇଛି। ଚିଲିକା ହ୍ରଦ ଏବଂ ସଂଲଗ୍ନ ପାଲୁର କେନାଲରେ, ଯେଉଁଠାରେ ଜଳ ପ୍ରବାହ ସଂପୂର୍ଣ୍ଣ ଜୁଆର ଉପରେ ନିର୍ଭରଶୀଳ ସେଇ ଭଳି ଜାଗାରୁ ଏହି ପ୍ରଜାତିର ମାଛର ଅନୁସନ୍ଧାନ ମିଳିଛି। ଭାରତୀୟ ପ୍ରାଣୀ ବିଜ୍ଞାନ ସର୍ବେକ୍ଷଣ କେନ୍ଦ୍ରର ନିର୍ଦ୍ଦେଶକ ଡ. ଧ୍ରୀତୀ ବାନାର୍ଜୀ କହିଛନ୍ତି ଯେ ନୂତନ ପ୍ରଜାତିର ନାମ ପାଇସୋଡୋନୋଫିସ୍ କଳିଙ୍ଗା । ଓଡିଶା ରାଜ୍ୟର ଐତିହାସିକ କଳିଙ୍ଗ ନାମରେ ନାମିତ ହୋଇଛି ଏବଂ ସାଧାରଣ ନାମକୁ କାଲିଙ୍ଗ ଡୁଣା ଭାବରେ ପ୍ରସ୍ତାବ ଦିଆଯାଇଛି | ଇଷ୍ଟୁଆରିନ୍ ବାୟୋଲୋଜି ଆଞ୍ଚଳିକ କେନ୍ଦ୍ରର ବୈଜ୍ଞାନିକ ଡ଼ ଅନିଲ ମହାପାତ୍ରଙ୍କ ତତ୍ଵାବଧାନରେ ଏହି କାମ ସମ୍ପୂର୍ଣ ହେଇଛିl ଏହି କାମରେ ସ୍ୱରୂପ ରଂଜନ ମହାନ୍ତି, ରାଜେଶ କୁମାର ବେହେରା, ସ୍ମୃତିରେଖା ଆଚାର୍ଯ୍ୟ, ରେଭେନ୍ସା ବିଶ୍ୱବିଦ୍ୟାଳୟର ପ୍ରଫେସର ଡ଼ ଲିପିକା ପଟନାୟକ, ବାଜକୁଲ ମିଳନୀ ମହାବିଦ୍ୟାଳୟର ପ୍ରଫେସର ଦୀପାଞ୍ଜନ ରାୟ ଏବଂ ବ୍ରହ୍ମପୁର ବିଶ୍ୱବିଦ୍ୟାଳୟର ଆସିଷ୍ଟାଣ୍ଟ ପ୍ରଫେସର ଡ଼. ଜୟ କିଶୋର ସେଠ ଏବଂ ଡ଼ ଶେଷଦେବ ପାତ୍ର ଏବଂ ଇଷ୍ଟୁଆରିନ୍ ବାୟୋଲୋଜି ଆଞ୍ଚଳିକ କେନ୍ଦ୍ରର ଅବସର ପ୍ରାପ୍ତ ବୈଜ୍ଞାନିକ ଶୁଭରେନ୍ଦୁ ଶେଖର ମିଶ୍ର ଏହି ଗବେଷଣା ରେ ମିଳିତ ଭାବେ କାର୍ଯ୍ୟ କରିଥିଲେ l ବୈଜ୍ଞାନିକ ଡ଼ ଅନିଲ ମହାପାତ୍ର କହିଛନ୍ତି ଯେ ସେପ୍ଟେମ୍ବରରୁ ନଭେମ୍ବର ମଧ୍ୟରେ ମୌସୁମୀ ସମୟରେ ଏହି ନୂତନ ପ୍ରଜାତି ମାଛ ପ୍ରଚୁର ପରିମାଣରେ ଦେଖାଯାଆନ୍ତି l ଏହି ମାଛ ମାନଙ୍କୁ ରାଜେଶ କୁମାର ବେହେରା ବହୁ ସଂଖ୍ୟାରେ ଗବେଷଣା ପାଇଁ ସଂଗ୍ରହ କରିଥିଲେ। ଏହି ପ୍ରଜାତିଗୁଡିକ ପାଇସୋଡୋନୋଫିସ୍ ବୋରୋ ବୋଲି ଭାବି ଏହାର ଲମ୍ବା ଓ ଓଜନ କୁ ଅନୁଧ୍ୟାନ କରିବାକୁ ଅଣା ଯାଇଥିଲାl କିନ୍ତୁ ପରବର୍ତ୍ତୀ ସମୟ ରେ ଗବେଷକ ଶ୍ରୀ ସ୍ୱରୂପ ରଂଜନ ମହାନ୍ତି ନମୁନା ଗୁଡିକ ପାଇସୋଡୋନୋଫିସ୍ ବୋରୋ ଠାରୁ ଦାନ୍ତର ଆକୃତି, ଓ ମେରୁଦଣ୍ଡ ସଂଖ୍ୟା ଆଦି ଭିନ୍ନ ରହିଛି l କେତେକ ମାଛର ଉଚ୍ଚ ମେରୁଦଣ୍ଡ ଥିବା ବେଳେ , କେତେ ମାଛ କମ୍ ମେରୁଦଣ୍ଡ ରହିଛି l ପୂର୍ବରୁ ବିଭିନ୍ନ ସ୍ଥାନରୁ ସଂଗୃହିତ ନମୁନାଗୁଡିକ ପରେ ଡିଏନ୍ଏ ବିଶ୍ଳେଷଣ ପାଇଁ ପ୍ରକ୍ରିୟାକରଣ କରାଯାଇଥିଲା l ଯାହା ଦ୍ଦ୍ୱାରା ପ୍ରକାର ଭେଦ ଭିତରେ ଥିବା ଦ୍ୱନ୍ଦ୍ୱ ବିଷୟରେ ଅବଶିଷ୍ଟ ଅନିଶ୍ଚିତତା ଦୂର ହୋଇଥିଲା। । ଡିଏନ୍ଏ ଫଳାଫଳ ପରେ ଏହା ନିଶ୍ଚିତ ହୋଇଛି ଯେ ଦୁଇଟି ପ୍ରଜାତି ଜଡିତ ଅଛନ୍ତି | ଗୋଟିଏ ହେଉଛି ପ୍ରତୀକ୍ଷିତ ପାଇସୋଡୋନୋଫିସ୍ ବୋରୋ ଏବଂ ଅନ୍ୟଟି ହେଉଛି ନୂତନ ପ୍ରଜାତି ପାଇସୋଡୋନୋଫିସ୍ କଳିଙ୍ଗା | ଦୁଇ ବର୍ଷର ପରିଶ୍ରମ ପରେ, ଶେଷରେ ଏହି ସିଦ୍ଧାନ୍ତରେ ପହଞ୍ଚିଲେ ଯେ ପାଇସୋଡୋନୋଫିସ ବୋରୋ ର ମେରୁଦଣ୍ଡ ସଂଖ୍ୟା ୧୬-୨୦, ୫୦–୫୬, ୧୪୯-୧୫୬ ରହିଥିବା ବେଳେ ପାଇସୋଡୋନୋଫିସ କଳିଙ୍ଗା ମେରୁଦଣ୍ଡ ସଂଖ୍ୟା ୧୬ -୧୮ ,୬୦-୬୨,୧୬୦-୧୭୩ ରହିଛି | ଶରୀରର ଉପର ପାର୍ଶ୍ୱ ଅଲିଭ୍-ବାଦାମୀ, ତଳ ପଟ ଫିକା ଧଳା ଏବଂ ଉଭୟ ରଙ୍ଗ ପାର୍ଶ୍ୱରେ ଦେଖାଯାଏ | ଏହି ଦୁଇଟି ପ୍ରଜାତିର ଲମ୍ବ ଅତ୍ୟନ୍ତ ଲମ୍ବା ଅଟେ | ପ୍ରସିଦ୍ଧ ଆନ୍ତର୍ଜାତୀୟ ପତ୍ରିକା ସାମୁଦ୍ରିକ ଜୈବ ବିବିଧତାରେ ଏହି ନୂତନ ପ୍ରଜାତି ମାଛ ର ସମ୍ପୂର୍ଣ ବିବରଣୀ ପ୍ରକାଶ ପାଇଛି |