ଦିବ୍ୟାଙ୍ଗ ମାନଙ୍କ ଦ୍ଵାରା ଭଜନ ସନ୍ଧ୍ୟା ଅନୁଷ୍ଠିତ

କୋଟପାଡ଼: ଆଜି ସନ୍ଧ୍ୟାରେ କୋଟପାଡ଼ ବସଷ୍ଟାଣ୍ଡ ଠାରେ ଉମରକୋଟ ଅଞ୍ଚଳର ଦିବ୍ୟାଙ୍ଗ ମାନଙ୍କ ଦ୍ଵାରା ଏକ ସୁନ୍ଦର ଭଜନ ସନ୍ଧ୍ୟା ଅନୁଷ୍ଠିତ ହୋଇଯାଇଛି । ଏହି ଅବସରରେ ଦିବ୍ୟାଙ୍ଗ ଗୋବିନ୍ଦ ନାୟକ, ବିଶ୍ୱଜିତ୍ ପ୍ରଧାନ, ଗୋପାଳ ଦାସ ପ୍ରମୁଖ ସଙ୍ଗୀତ ପରିବେଷଣ କରିଥିଲେ । ଏହି ଦିବ୍ୟାଙ୍ଗ ମାନଙ୍କ ଆଖି ଦିଶୁ ନାହିଁ ଏମାନେ ସବୁ ଜନ୍ମରୁ ଅନ୍ଧ କିନ୍ତୁ ତାଙ୍କର ସୁନ୍ଦର ଗୀତ ପରିବେଷଣ ସମସ୍ତଙ୍କୁ ମନ୍ତ୍ର ମୁଗ୍ଧ କରିଦେଇଛି । ବାଦ୍ୟ ଯନ୍ତ୍ର ମଧ୍ୟ ନିଖୁଣ ଭାବରେ ପରିବେଷଣ କରି ଲୋକଙ୍କୁ ଆଶ୍ଚର୍ୟ୍ଯ କରି ଦେଇଛି । ଏହି ଅବସରରେ ବହୁ ବଦାନ୍ୟ ବ୍ୟକ୍ତି ଦାନ କରିବାର ଦେଖା ଯାଇଥିଲା ।