କୋଟପାଡ଼ରେ ବ୍ରାହ୍ମଣ ସମାଜ ଦ୍ୱାରା ଗାୟତ୍ରୀ ଯଜ୍ଞ ଓ ବିଷ୍ଣୁ ସହସ୍ର ନାମ ପାଠ

କୋଟପାଡ଼: ଆଜି କୋଟପାଡ଼ ଶ୍ରୀରାମ ମନ୍ଦିର ଠାରେ କୋଟପାଡ଼ ବ୍ରାହ୍ମଣ ସମାଜ ତରଫରୁ ଏକ ଗାୟତ୍ରୀ ଯଜ୍ଞ ଓ ବିଷ୍ଣୁ ସହସ୍ର ନାମ ଅନୁଷ୍ଠିତ ହୋଇଥିଲା । ବ୍ରାହ୍ମ ମୁହୂର୍ତ୍ତରେ ସମସ୍ତ ବ୍ରାହ୍ମଣଙ୍କ ଉପସ୍ଥିତିରେ ଯଜ୍ଞ ଆରମ୍ଭ ହୋଇଥିଲା ଓ ବିଷ୍ଣୁ ସହସ୍ର ନାମରେ କୋଟପାଡ଼ ସହର ମୁଖରିତ ହୋଇଥିଲା । ଏହି ଯଜ୍ଞର ଉଦେଶ୍ୟ ସହରର ସମସ୍ତ ଅଧିବାସୀ ଖୁସିରେ ରହନ୍ତୁ । ଆଜି ଏତେ ଦିନର ଗରମ ପରେ ଥଣ୍ଡା ଲାଗିଥିଲା । ଏହି ଯଜ୍ଞକୁ ସାକାର କରିବାରେ ସମସ୍ତ ବ୍ରାହ୍ମଣ ମୁଖିଆ ବିଶେଷ କରି ବରିଷ୍ଠ ବ୍ରାହ୍ମଣ ଜିତେନ୍ଦ୍ର ନାଥ ମହାପାତ୍ର ,ଗୌର ରଥ, ଅଜୟ ମିଶ୍ର, ସୁନିଲ ଦାସ, ମିନୁ ରଥ, କିଶୋର ମିଶ୍ର, ବାବୁଲି ଦାସ, ତପନ ମହାପାତ୍ର, ବଡ଼ ବାବୁ ମହାପାତ୍ର, ପ୍ରମୁଖ ଆଗେଇ ନେଇଥିଲେ ।