ବିଜୁ ଜନତା ଦଳର ରାଜ୍ୟ ସାଙ୍ଗଠନିକ ସମ୍ପାଦକଙ୍କ ଜନ୍ମ ଦିବସ ପାଳନ ପାଇଁ ପ୍ରସ୍ତୁତି ବୈଠକ

ମାଲକାନଗିରି, ୨୬।୬: ଆସନ୍ତା ୨୮ ତାରିଖରେ ରାଜ୍ୟ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଜନ୍ମଦିନକୁ ଧୁମ ଧାମରେ ପାଳିବା ଉପଲକ୍ଷେ ଆଜି ମାଲକାନଗିରି ଜିଲ୍ଲା ବିଜୁ ଯୁବ ଜନତା ଦଳ ସଭାପତି ଆଡମା ରାବା ଓ ଜିଲ୍ଲା ଛାତ୍ର ଜନତା ଦଳ ସଭାପତି ତାପସ ରଞ୍ଜନ ନାୟକଙ୍କ ନେତୃତ୍ବରେ ଯୁବ ଛାତ୍ର କର୍ମକର୍ତ୍ତାଙ୍କୁ ନେଇ ସ୍ଵତନ୍ତ୍ର ଉନ୍ନୟନ ପରିଷଦ ସଭା ଗୃହରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l ଏଥିରେ ରାଜ୍ୟ ଯୁବ ସମ୍ପାଦକ ରବି ରାଜେଶ ନିର୍ବାଚନ ମଣ୍ଡଳୀ ଯୁବ ସଭାପତି ବାବୁ ଗୁପ୍ତା ଯୁବ ଜନତା ଦଳ ଉପ ସଭାପତି କଣ୍ଟେସ ପୋଟଲା, ଉପସ୍ଥିତ ରହିଥିବା ବେଳେ ଅନ୍ୟ ମନଙ୍କ ମଧ୍ୟରେ ପୋଡ଼ିଆ ଜୋନ ସଭାପତି ମେଶାକ ରବି ମାଦ୍ରି, ଯୁବ ସାଧାରଣ ସମ୍ପାଦକ ପ୍ରଫୁଲ୍ଲ ହରିଜନ, ରାଜ ନାୟକ, କିଶୋର ଶିକଦାର, ଯୁବ ସମ୍ପାଦକ ସୁକେଶ ସୁନା, ସୁବ୍ରତ ଦାସ, ବସନ୍ତ ନାୟକ, ରାନୁ ରଥ, ପୌର ପରିଷଦ ଛାତ୍ର ସଭାପତି ଶଙ୍କର ପାଣିଗ୍ରହି, ମାଲକାନଗିରି ବ୍ଲକ ଛାତ୍ର ସଭାପତି ରାକେଶ ବାଲା, ଛାତ୍ର ସମ୍ପାଦକ ସୁରଜ୍ କାଣ୍ଡ, ଛାତ୍ର ସମ୍ପାଦକ ଦେବାଶିଷ ଦେବନାଥ, ମାଲକାନଗିରି ବ୍ଲକ ଛାତ୍ର ଡିଜିଟାଲ ସମ୍ପାଦକ ସୁଜନ୍ ବନିକ ଯୋଗ ଦେଇଥିବା ବେଳେ ଉକ୍ତ ବୈଠକରେ ଉପସ୍ଥିତ ଯୁବ ଛାତ୍ର କର୍ମକର୍ତ୍ତା ମାନେ କାର୍ଯ୍ୟକ୍ରମକୁ ନେଇ ନିଜ ନିଜର ମତାମତ ପ୍ରକାଶ କରିଥିଲେ । ମତାମତକୁ ନେଇ ଅନେକ ଆଲୋଚନା ପରେ ଶେଷରେ ସମସ୍ତଙ୍କ ସହମତିରେ କାର୍ଯ୍ୟକ୍ରମ ସ୍ତିର କରାଗଲା । ଆଜିର ଏହି ବୈଠକ ଆଇଟି କୋଡ଼ିନେଟର ସୁନିଲ ସାହୁ ଆୟୋଜନ କରିଥିବା ବେଳେ ରାଜ୍ୟ ଯୁବ ସମ୍ପାଦକ ବୈଠକ ସାଙ୍ଗ କରିଥିଲେ ।