ମାଲକାନଗିରି: ବହୁ ପ୍ରତିକ୍ଷୀତ ମାଲକାନଗିରି ବ୍ଲକର ଗୌଡଗୁଡା ପଞ୍ଚାୟତର କୋଟଲିଗୁଡା ଠାରେ ଏୟାରଷ୍ଟ୍ରିପ କାର୍ଯ୍ୟ ଚାଲିଥିବା ବେଳେ ବିସ୍ଥାପିତ କୋଟଲୀଗୁଡା ଗ୍ରାମବାସୀଙ୍କ ପାଇଁ ଚାଲିଥିବା ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ତଦାରଖ ପାଇଁ ନୂତନ ବିଡିଓ ସୁଶ୍ରୀ ପ୍ରଭାତୀ ଝଡ଼ିଆ ଅଚାନକ ସେଠାରେ ପହଞ୍ଚିଥିଲେ। ନିର୍ମାଣଧୀନ ଅଙ୍ଗନୱାଡ଼ି କେନ୍ଦ୍ର, ପୋଖରୀ ନିର୍ମାଣ କାର୍ଯ୍ୟ, କେଟଲସେଡ, ଡ୍ରେନ ଓ ଚାଲିଥିବା ରାସ୍ତା ନିର୍ମାଣ କାର୍ଯ୍ୟର ତଦାରଖ କରିଥିଲେ। ସମସ୍ତ ପ୍ରକଳ୍ପ ସମୟ ସୀମା ମଧ୍ୟରେ ଶୀଘ୍ର ଶେଷ କରିବା ପାଇଁ କନିଷ୍ଟ ଯନ୍ତ୍ରୀ, ସହକାରୀ ଯନ୍ତ୍ରୀଙ୍କୁ ନିର୍ଦ୍ଦେଶ ଦେଇଥିଲେ । ପରେ ବିଡିଓ କୋଟଲୀଗୁଡା ଗ୍ରାମବାସୀଙ୍କୁ ମିଶି ବିଭିନ୍ନ ସମସ୍ୟା ସମ୍ପର୍କରେ ଲୋକଙ୍କୁ ପଚାରି ବୁଝିଥିଲେ। ଏବଂ ସରକାରଙ୍କ ସମସ୍ତ ଜନ କଲ୍ୟାଣ ଯୋଜନା ଗୁଡିକ କିପରି ହାତ ପାହାନ୍ତରେ ହିତାଧିକାରୀ ମାନେ ଉପକୃତ ହେବେ ଲୋକଙ୍କୁ ବୁଝାଇଥିଲେ । ଏହି ଅବସରରେ ବ୍ଲକ ଉପାଧ୍ୟକ୍ଷ ନିରଞ୍ଜନ ହଲଦାର, ସହକାରୀ ଯନ୍ତ୍ରୀ ଅଭିଜିତ ସେଠୀ, କନିଷ୍ଠ ଯନ୍ତ୍ରୀ ବିଭୁତି ଭୂଷଣ ରାଉତ, ଗୌଡ ଗଡା ସରପଞ୍ଚ ପାଣ୍ଡରି ମାଢ଼ି, ପିଇଓ ଉପସ୍ଥିତ ରହିଥିଲେ ।
