ଭୁବନେଶ୍ୱର: ଭୁବନେଶ୍ୱର ସ୍ଥିତ ଜୟଦେବ ଭବନ ଠାରେ ସମର୍ପିତ ଓ ସେବା ଫାଉଣ୍ଡେସନ ଟ୍ରଷ୍ଟର ଅଷ୍ଟମ ପ୍ରତିଷ୍ଠା ଦିବସ ଓ ସମ୍ବର୍ଦ୍ଧନା ଉତ୍ସବ ପାଳିତ ହୋଇଯାଇଛି । ଏହି ଉତ୍ସବରେ ମାନ୍ୟବର ସାଂସଦ ଶ୍ରୀ ମାନସ ରଞ୍ଜନ ମଙ୍ଗରାଜ, ଶ୍ରୀମତୀ ସୁଲତା ଦେଓ, ସରକାରୀ ଦଳର ମୁଖ୍ୟ ସଚେତକ ଶ୍ରୀ ପ୍ରଶାନ୍ତ କୁମାର ମୁଦୁଲି, ମାନ୍ୟବର ଭୁବନେଶ୍ୱର ମଧ୍ୟ ବିଧାୟକ ଶ୍ରୀ ଅନନ୍ତ ନାରାୟଣ ଜେନା, ଉତ୍ତର ବିଧାୟକ ଶ୍ରୀ ସୁଶାନ୍ତ କୁମାର ରାଉତ, ବରିଷ୍ଠ ସାମ୍ବାଦିକ ଶ୍ରୀ ପ୍ରଦୋଷ ପଟନାୟକ ଓ ରାଜ୍ୟ ଖଦି ବୋର୍ଡ଼ ଅଧ୍ୟକ୍ଷ ଶ୍ରୀ ସଂଗ୍ରାମ ପାଇକରାୟ ଅତିଥି ଭାବରେ ଯୋଗଦାନ କରିଥିଲେ । ଟ୍ରଷ୍ଟର ପ୍ରତିଷ୍ଠାତା ସଂପାଦକ ଶ୍ରୀ ସଦାଶିବ ଜେନା ବାର୍ଷିକ ବିବରଣୀ ପାଠ କରିଥିଲେ । ବିଶିଷ୍ଟ ରାଜନୀତିଜ୍ଞ ତଥା ସମାଜସେବୀ ଶ୍ରୀ ମୁରଲୀଧର ରଥ, ଶ୍ରୀଯୁକ୍ତ ବୈକୁଣ୍ଠ ପୃଷ୍ଟି, ଡ଼ଃ ସୁନୀଲ ଦାଶ, ପ୍ରମେୟ ଖବରକାଗଜ ସାମ୍ବାଦିକ ଶ୍ରୀ ରାମ ଜୀବନ ଗୋଚ୍ଛାୟତ, ସମ୍ବାଦ ସାମ୍ବାଦିକ ଶ୍ରୀ ଦେବାଶିଷ ପଣ୍ଡା, ସକାଳ ସାମ୍ବାଦିକ ଶ୍ରୀ ପ୍ରଶନଜିତ ମହାଲିକଙ୍କ ସମେତ ୨୪ ଜଣ ଡାକ୍ତର, ଜୀବନ ରକ୍ଷାକାରି ସେବା ପ୍ରଦାନ କରୁଥିବା ୧୪ ଜଣ ବ୍ଲଡ଼ ବ୍ୟାଙ୍କ ସହାୟକ ଓ ସମାଜ ସେବା କ୍ଷେତ୍ରରେ ଅଗ୍ରଣୀ ଭୂମିକା ଗ୍ରହଣ କରୁଥିବା ୩୦ ଗୋଟି ସ୍ୱଚ୍ଛାସେବୀ ସଙ୍ଗଠନକୁ ”ସେବା ରତ୍ନ ସମ୍ମାନ” ଓ “ଶ୍ରୀଜଗନ୍ନାଥ ସେବା ସମ୍ମାନ” ରେ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ଟ୍ରଷ୍ଟର ବାର୍ଷିକ ମୁଖପାତ୍ର “ଅମୃତଧାରା” ଉନ୍ମୋଚନ କରାଯିବା ସହିତ ଓଡିଶୀ ପରିବେଷଣ ଓ ନାଚ ଗୀତର ମନୋରଞ୍ଜନ କାର୍ଯ୍ୟକ୍ରମ କରାଯାଇଥିଲା । ଶେଷରେ ଶ୍ରୀ ସାର୍ଥକ କୁମାର ପରିଡା ଉପସ୍ଥିତ ସମସ୍ତ ଅତଥି, ମିଡ଼ିଆ ବନ୍ଧୁ, ଶୁଭେଚ୍ଛୁ, ଦର୍ଶକ ମାନଙ୍କୁ ସେମାନଙ୍କର ବହୁମୂଲ୍ୟ ସମୟ ଦେଇ କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିବାରୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
