ପ୍ରଜାପିତା ବ୍ରହ୍ମାକୁମାରୀ ମାଲକାନଗିରି ଶାଖା କାର୍ଯ୍ୟାଳୟରେ ରାକ୍ଷୀ ପୂର୍ଣ୍ଣିମା ପାଳିତ

ମାଲକାନଗିରି: ପ୍ରଜାପିତା ବ୍ରହ୍ମାକୁମାରୀ ବିଶ୍ବବିଦ୍ୟାଳୟ ମାଲକାନଗିରି ଶାଖା କାର୍ଯ୍ୟାଳୟରେ ରାଖି ପୂର୍ଣ୍ଣିମା ପାଳିତ ହୋଇଛି। ବ୍ରହ୍ମକୁମାରୀ ରାଜଯୋଗିନୀ ଜୟନ୍ତୀ ଦିଦିଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ରତ୍ନାକର ସାହୁ, ସମ୍ମାନିତ ଅତିଥି ଭାବେ ପୂର୍ବତନ ବିଧାୟକ ମାନସ ମାଡକାମୀ, ପୂର୍ବତନ ପୌର ଅଧ୍ୟକ୍ଷା ରାଜବନ୍ତ କର, ସମ୍ବାଦ ମାଲକାନଗିରି ଜିଲ୍ଲା ପ୍ରତିନିଧି ଜ୍ଞାନଚାନ୍ଦ ଜଗନ୍ନାଥ ଯୋଗ ଦେଇ ରାଖିର ମହତ୍ବ ବିଷୟରେ ପ୍ରକାଶ କରିଥିଲେ। ଏଥିରେ ବ୍ରହ୍ମକୁମାରୀ ଭଉଣୀମାନେ ବନ୍ଦାପନା କରି ମିଠା ଖୁଆଇ ଭାଇମାନଙ୍କ ହାତରେ ରାଖି ବାନ୍ଧିଥିଲେ। ଏହାପରେ ବ୍ରହ୍ମକୁମାରୀ ଭଉଣୀମାନେ ମାଲକାନଗିରି ଏସପି ନିତେଶ ୱାଧୱାନୀ, ବିଏସଏଫ୍ କ୍ୟାମ୍ପ ଓ ବିଭିନ୍ନ ଅନୁଷ୍ଠାନର ସଦସ୍ୟମାନଙ୍କ ହାତରେ ରାଖି ବାନ୍ଧିଥିଲେ।