ମାଲକାନଗିରି ସଦର ଥାନାରେ ନୂତନ ଥାନା ଅଧିକାରୀଙ୍କ ଯୋଗଦାନ

ମାଲକାନଗିରି: ମାଲକାନଗିରି ସଦର ଥାନାରେ ନୂତନ ଥାନା ଅଧିକାରୀ ଭାବରେ ସବ ଇନି‌ସ୍ପେକ୍ଟର ଚନ୍ଦ୍ରକାନ୍ତ ତାଣ୍ଡି ଯୋଗଦାନ କରିଛନ୍ତି। ସେ ପୂର୍ବରୁ ଖଇରପୁଟ ବ୍ଲକ ଅନ୍ତର୍ଗତ ମୁଦୁଲିପଡା ଥାନାରେ ଥାନା ଭାରପ୍ରାପ୍ତ ଅଧିକାରୀ ଭାବେ କାର୍ଯ୍ୟ କରୁଥି‌ଲେ। ଶ୍ରୀ ତାଣ୍ଡି ଯୋଗଦାନ ପରେ ମାଲକାନଗିରି ଆଦର୍ଶ ଥାନା ଅଧିକାରୀ ରିଗାନ୍ କିଣ୍ଡୋଙ୍କ ସମେତ ଥାନାର କର୍ମଚାରୀମାନେ ପୁଷ୍ପଗୁଚ୍ଛ ଦେଇ ସ୍ବାଗତ ଜଣାଇଛନ୍ତି। ପୂର୍ବରୁ ମାଲକାନଗିରି ଆଦର୍ଶ ଥାନା ଅଧିକାରୀ ଶ୍ରୀ କିଣ୍ଡୋ ସଦର ଥାନା ଅଧିକାରୀ ଭାବରେ ରହି ଦୁଇଟି ଥାନାର ଦାୟିତ୍ବ ତୁଲାଉଥିଲେ। ଶ୍ରୀ ତାଣ୍ଡିଙ୍କ ବଦଳରେ ମାଲକାନଗିରି ଆଦର୍ଶ ଥାନାରେ ଥିବା ସବ ଇନିସ୍ପେକ୍ଟର କେ. ସାଙ୍ଗାନାଙ୍କୁ ମୁଦୁଲିପଡା ଥାନା ଅଧିକାରୀ ଭାବେ ବଦଳି ହୋଇଯାଇଛି। ପ୍ରକାଶ ଥାଉକି, ମାଲକାନଗିରି ଆଦର୍ଶ ଥାନାର ଉପର ମହଲାର ମାଲକାନଗିରି ସଦର ଥାନା କାର୍ଯ୍ୟକାରୀ ହେଉଛି। ଆସନ୍ତା ଦିନରେ କୋରୁକୋଣ୍ଡା ଠାରେ ନୂତନ ଥାନା ଗୃହ ନିର୍ମାଣ ପରେ ସେଠାରେ ସଦର ଥାନା କାର୍ଯ୍ୟକାରୀ ହେବ।