ପୂର୍ବତନ ସରପଞ୍ଚଙ୍କ ବିୟୋଗ

ମାଲକାନଗିରି: ମାଲକାନଗିରି ଜ଼ିଲ୍ଲା ସଦର ବ୍ଲକ ଅନ୍ତର୍ଗତ ତଣ୍ଡକି ଗ୍ରାମର ପଞ୍ଚାୟତର ପୂର୍ବତନ ସରପଞ୍ଚ ଲକ୍ଷ୍ମଣ ପଡିଆମିଙ୍କ ବିୟୋଗ ହୋଇଯାଇଛି । ଖବର ଶୁଣି ମାଲକାନଗିରି ଜ଼ିଲ୍ଲା ଜନପ୍ରିୟ ନେତା ତଥା ସୁଖ ଦୁଃଖର ସାଥି ପୁର୍ବତନ ବିଧାୟକ ଶ୍ରୀଯୁକ୍ତ ମାନସ ମାଡକାମି ସର୍ଗତ ଲକ୍ଷ୍ମଣ ପଡିଆମିଙ୍କ ଶେଷକୃତ୍ୟ କାର୍ଯ୍ୟରେ ଯୋଗ ଦେଇ ଗଭୀର ଶୋକ ପ୍ରକାଶ କରିଥିଲେ ଏବଂ ସନ୍ତାପି ପରିବାରଙ୍କୁ ସାନ୍ତ୍ୱନା ଦେବା ସହ ଅନ୍ତିମ ଯାତ୍ରାରେ ତାଙ୍କର ଅମର ଆତ୍ମାର ସଦଗତି କାମନା କରିଥିଲେ । ଏହି ଅବସରରେ ପୁର୍ବତନ ଜ଼ିଲ୍ଲା ପରିଷଦ ଅଧ୍ୟକ୍ଷ ଦଷରଥ ପଡିଆମି, ଶିଖପାଲି ଜ଼ିଲ୍ଲା ପରିଷଦ ସଭ୍ୟ ମୁକା ମାଡକାମି, ସରପଞ୍ଚ ବାବୁଲା ପଡିଆମି, ଉଡୁପା ସରପଞ୍ଚ ଗଙ୍ଗା ମାଡକାମି, ପୂର୍ବତନ ସରପଞ୍ଚ ଦଷରଥ ଦୁରୁକା, ସମାଜସେବୀ ତଥା ସାମ୍ବାଦିକ ସୋନୁ ଅନୁଗୁ, ଆଦିବାସି ସମାଜ ମହାସଂଘ ସମ୍ପାଦକ ଭଦ୍ର ଦୁରୁୱା, ଦୁରୁୱା ସମାଜ ଜ଼ିଲ୍ଲା ସଭାପତି ମଙ୍ଗଳା ଦୁରୁୱା, ସମିତି ସଭ୍ୟ ଆଇତା ମାଡକାମି, ପଞ୍ଚାୟତ ସଭାପତି ପୋତ୍ତରାଜ ପ୍ରଧାନୀ, ଗାନ୍ଧି କୁମାର ପଣ୍ଡା, ସଞ୍ଜୟ ବର୍ମା, ସନ୍ୟାସୀ କବାସୀଙ୍କ ସହ ବହୁ ବରିଷ୍ଠ ବୁଦ୍ଧିଜୀବୀ ଲକ୍ଷ୍ମଣ ପଡିଆମିଙ୍କ ଶେଷକୃତ୍ୟ କାର୍ଯ୍ୟରେ ଯୋଗଦାନ କରିଥିଲେ ।