ମାଲକାନଗିରି: ମାଲକାନଗିରି ନିର୍ବାଚନ ମଣ୍ଡଳୀର ସିଖପାଲ୍ଲୀ ଠାରେ ହୁଣ୍ଡି ମନ୍ଦିର ଶୁଭ ଦେଲେ ସ୍ଵତନ୍ତ୍ର ଉନ୍ନୟନ ପରିଷଦ ଅଧକ୍ଷ ଆଡମା ରାବା ଏଥି ସହିତ ଦୁଇଗୋଟି ପଞ୍ଚାୟତର ଯୁବ ଛାତ୍ରକୁ ନେଇ ହାଇସ୍କୁଲ ପଡିଆ ଠାରେ ଏକ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏଥିରେ ଜିଲ୍ଲା ଛାତ୍ର ଜନତା ଦଳ ସଭାପତି ତାପସ ରଞ୍ଜନ ନାୟକ, ଜିଲ୍ଲା ଆଈଟି କୋଡ଼ିନେଟର ସୁନିଲ ସାହୁ, ନିର୍ବାଚନ ମଣ୍ଡଳୀ ସଭାପତି ଏ ରାଜୁ ରାଓ, ଯୁବ ପୌର ପରିଷଦର ସଭାପତି ବଳରାମ ଭଞ୍ଜ ପ୍ରମୁଖ ଯୋଗ ଦେଇଥିବା ବେଳେ ଆୟୋଜିତ ଏହି ବନ୍ଧୁ ମିଳନରେ ଶ୍ରୀ ରାବା ରାଜ୍ୟ ସରକାରଙ୍କ ଗ୍ରାମାଞ୍ଚଳ ପ୍ରତି ବିଭିନ୍ନ ଜନ ଉପକାରୀ ଯୋଜନା ସମ୍ପର୍କରେ ବୁଝେଇ କହିବା ସହ ଯୁବ ଛାତ୍ର ଆଗାମୀ ଦିନରେ କିଭଳି ଏକତ୍ରିତ ହୋଇ ସଙ୍ଗଠନକୁ ମଜବୁତ୍ କରିବେ ସେ ବାବଦରେ ଉପଦେସ ଦେଇ ଥିଲେ l ଆଜିର ଏହି ବନ୍ଧୁ ମିଳନ କାର୍ଯ୍ୟକ୍ରମରେ ଯୁବ ଛାତ୍ର ବ୍ୟତୀତ କିଛି ପୂର୍ବତନ ସରପଞ୍ଚ ଓ ସମିତି ସଭ୍ୟ ଉପସ୍ଥିତ ଥିବା ବେଳେ କାର୍ଯ୍ୟକ୍ରମଟିକୁ ସ୍ଥାନୀୟ ନେତୃବୃନ୍ଦ ସନାତନ ଓ ରୀଙ୍କୁ ପରିଚାଳନ କରିଥିଲେ l
