ଦିବ୍ୟ ପାଦୁକା ଯାତ୍ରା

ଚିତ୍ରକୋଣ୍ଡା: ଓଁ ଶ୍ରୀ ସାଇରାମ୍, ଶ୍ରୀ ସତ୍ୟସାଇ ଦିବ୍ୟ ପାଦୁକା ଯାତ୍ରା ରଥ ଚିତ୍ରକୋଣ୍ଡା ପରିକ୍ରମା କରୁଅଛି । ଭଗବାନ ଶ୍ରୀ ସତ୍ୟସାଇଙ୍କ ଦିବ୍ୟ ପାଦୁକା ଆନ୍ଧ୍ର ସ୍ଥିତ ପୂଟ୍ଟାପର୍ତୀ ଠାରୁ ଆସିଅଛି । ଅଦ୍ୟ ୦୪/୧୦/୨୩ ଓ ୦୫/୧୦/୨୩ ତାରିଖ ବୁଧବାର ଓ ଗୁରୁବାର ଦୁଇ ଦିନ ଚିତ୍ରକୋଣ୍ଡା ସମିତି ଅଧୀନରେ ଥିବା ସମସ୍ତ ଗ୍ରାମ, ବିଦ୍ୟାଳୟ ତଥା ସର୍ବସାଧାରଣ ସ୍ଥାନ ପରିକ୍ରମା କରି ୬.୧୦.୨୩ ସକାଳେ ତୁମସାପଲ୍ଲୀ ସମିତି ଭ୍ରମଣ କରିବାର କାର୍ଯ୍ୟକ୍ରମ ରହିଛି । ଶ୍ରୀ ସତ୍ୟସାଇ ସେବା ସଗଂଠନ ମାଲକାନଗିରି ଜିଲ୍ଲା ଓ ଚିତ୍ରକୋଣ୍ଡା ସମିତି ଆନୁକୂଲ୍ୟରେ ଏହି ଦିବ୍ୟ କାର୍ଯ୍ୟକ୍ରମ ଆୟଜନ କରାଯାଇଛି । ଶ୍ରୀ ସତ୍ୟସାଇ ସେବା ସଗଂଠନର ଜିଲ୍ଲା ସଭାପତି ଶ୍ରୀ ଦୁର୍ଗାପ୍ରସାଦ ମହାପାତ୍ର ଓ ଚିତ୍ରକୋଣ୍ଡା ସେବା ସମତିର ଆବାହକ ଶ୍ରୀ ଏମ୍. ଶ୍ରୀନୀବାସ ନାଏକଙ୍କ ତତ୍ତ୍ବାବଧାନରେ ଏହି ଦିବ୍ୟ ପାଦୁକା ଯାତ୍ରା ପରିଚାଳିତ ହେଉଅଛି । ଚିତ୍ରକୋଣ୍ଡା ସମିତିର ସେବା ଦଳ ସଂଯୋଜକ ବି.ସନ୍ତୋଷ କୁମାର, ପାଦୁକା ଇନଚାର୍ଜ ଭାବରେ ଦାୟିତ୍ବ ଦାୟିତ୍ବ ନିଭାଉଛନ୍ତି । ପ୍ରତ୍ୟେକ ଗ୍ରାମ ତଥା ସ୍କୁଲ ମାନଙ୍କରେ ଏହି ପାଦୁକା ଯାତ୍ରା ରଥକୁ ଭବ୍ୟ ସ୍ବାଗତ କରିବା ସହ ଭଗବାନ ବାବାଙ୍କ ପାଦୁକା ପ୍ରଣାମ କରି ଦିବ୍ୟ କୃପା ପ୍ରାପ୍ତ କରୁଛନ୍ତି । ଏହି ଦିବ୍ୟ ପାଦୁକା ଯାତ୍ରା ରଥ ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳର ସମସ୍ତ ଗ୍ରାମ ପରିକ୍ରମା କରିବ ।