ଭୁବନେଶ୍ୱର: କେନ୍ଦ୍ରାପଡ଼ା ଜିଲ୍ଲା ତେଣ୍ଡାକୁଡା ପଞ୍ଚାୟତ ଅନ୍ତର୍ଗତ ବସନ୍ତପୁରର ଶ୍ରୀ ଶ୍ରୀ ଶିରିଡି ସାଇ ଚାରିଟେବୁଲ ଟ୍ରଷ୍ଟ, ବସନ୍ତପୁରର ୮ମ ପ୍ରତିଷ୍ଠା ଉତ୍ସବ ଆଜି ପାଳନ କରାଯାଇଛି । ଏହି ଅବସରରେ ସମ୍ପାଦକ ସୁନୀଲ ମହାନ୍ତିଙ୍କ ତତ୍ୱାବଦାନରେ ସକାଳରୁ ବାବାଙ୍କର କାକଡ ଆରତୀ, ସୂର୍ଯ୍ୟପୂଜା, ମହାସ୍ନାନ, ଅଭିଷେକ ପୂଜା, ମଧ୍ଯାହ୍ନ ଆରତୀ, ସଂଧ୍ଯା ଆରତୀ ଓ ଶେଜ ଆରତୀ ଆଦି ଯଥାବିଧି ମହାସମାରୋହରେ ପାଳନ କରାଯାଇଥିଲା l
ଏହି ଉପଲକ୍ଷେ ସ୍କୁଲ ପିଲାମାନଙ୍କ ମଧ୍ଯରେ ଚିତ୍ରାଙ୍କନ, ସଂଙ୍ଗୀତ ଓ ନ୍ରୁତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏହି ପ୍ରତିଯୋଗିତାରେ ଶ୍ରୀମତୀ ରେଣୁବାଳା ନାୟକ, ରେଜିଷ୍ଟ୍ରାର, ଓୟୁଏଟିର ବିଶ୍ୱବିଦ୍ୟାଳୟ, ଭୂବନେଶ୍ଵର ମୁଖ୍ଯ ଅତିଥି ଓ ଶ୍ରୀଯୁକ୍ତ ପ୍ରଦ୍ୟୁମ୍ନ କୁମାର ନାୟକ, ବିଡିଓ, ଗରଦପୁର ସମ୍ମାନୀୟ ଅତିଥି ଭାବେ ଯୋଗଦେଇ କ୍ରୁତୀ ପ୍ରତିଯୋଗୀମାନଙ୍କୁ ପୁରସ୍କାର ବିତରଣ କରିଥିଲେ। ଶ୍ରୀଯୁକ୍ତ ପ୍ରଶାନ୍ତ କୁମାର ପାଲ, କଳା ଶିକ୍ଷକ ଓ ଅମିତାଭ ସାହୁ, ସଂଙ୍ଗୀତ ଶିକ୍ଷକ ଏହି ପ୍ରତିଯୋଗିତା କୁ ପରିଚାଳନା କରିଥିଲେ। ଅନୁଷ୍ଠାନ ର ପରିଚାଳନା ଟ୍ରଷ୍ଟି ଡଃ ରୁଦ୍ଧି ସୁନ୍ଦର ମହାନ୍ତି, ଟ୍ରଷ୍ଟି ଶ୍ରୀଯୁକ୍ତ ଚଣ୍ଡୀ ପ୍ରସାଦ ମହାନ୍ତି , ଶ୍ରୀମତୀ କସ୍ତୁରିକା ମହାନ୍ତି ଓ ଶ୍ରୀଯୁକ୍ତ ଶୈଳଜାନନ୍ଦନ ମହାନ୍ତି ରସ ଉପସ୍ଥିତ ରହି ଅତିଥିମାନଙ୍କୁ ସମ୍ମାନୀତ କରିବା ସହିତ ସମସ୍ତ ପ୍ରତିଯୋଗୀ ଓ ତାଙ୍କର ଅଭିଭାବକ ମାନଙ୍କ ପାଇଁ ସାଇବାବାଙ୍କ ଆଶୀର୍ବାଦ କାମନା କରିଥିଲେ।
