ମାଲକାନଗିରି ସଦର ବ୍ଲକ ସରପଞ୍ଚ ସଂଘ ପୁନର୍ଗଠନ ସହ ନୂତନ କର୍ମକର୍ତ୍ତା ଚୟନ

ମାଲକାନଗିରି: ୦୭/୦୨/୨୪: ମାଲକାନଗିରି ସଦର ବ୍ଲକର ୧୯ ଗୋଟି ଗ୍ରାମ ପଞ୍ଚାୟତର ସମସ୍ତ ସରପଞ୍ଚ ସଭ୍ୟା, ସଭ୍ୟଙ୍କ ଉପସ୍ଥିତରେ ଆଜି ମାଲକାନଗିରି ବ୍ଲକ ସମ୍ମିଳନୀ କକ୍ଷ ଠାରେ ସରପଞ୍ଚ ସଂଘର ନୂତନ ସାଙ୍ଗଠନିକ କର୍ମକର୍ତ୍ତା ଚୟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ବରିଷ୍ଠ ସରପଞ୍ଚ ଗଙ୍ଗା ମାଡକାମୀଙ୍କ ଅଧ୍ୟକ୍ଷତାରେ ସରପଞ୍ଚ ସଂଘର ପୁନର୍ଗଠନ ସହ ନୂତନ କର୍ମକର୍ତ୍ତା ଚୟନ ଉପରେ ୧୯ଟି ସରପଞ୍ଚ ମଧ୍ୟରେ ବିଶେଷ ଆଲୋଚନା କରିବା ସହ ମାଲକାନଗିରି ବ୍ଲକର ୧୯ ପଞ୍ଚାୟତର ବିଭିନ୍ନ ସମସ୍ୟା ଶିକ୍ଷା, ସ୍ୱାସ୍ଥ୍ୟ, ଗମନାଗମନ, ବିକାଶ ମୂଳକ ଉନ୍ନୟନ କାର୍ଯ୍ୟ ସମ୍ପର୍କରେ ବିଶେଷ ଆଲୋଚନା କରାଯାଇଥିଲା । ଆଜିର ମାଲକାନଗିରି ବ୍ଲକ ୧୯ଟି ପଞ୍ଚାୟତ ସରପଞ୍ଚଙ୍କ ସଭାପତି ଭାବେ ଯୁବ ସରପଞ୍ଚ ଶ୍ରୀଯୁକ୍ତ ସୁଦର୍ଶନ କୋପେଙ୍କୁ ମନୋନୀତ କରାଯାଇଥିବା ବେଳେ ଉପସଭା ନେତ୍ରୀ ଭାବେ ବିମଳା ମାଡକାମୀ ଏବଂ ସାଧାରଣ ସମ୍ପାଦକ ଭାବେ ବାବୁଲା ପଡ଼ିଆମୀଙ୍କୁ ଚୟନ କରାଯାଇଛି । ଏଥିରେ ମାଲକାନଗିରି ସଦର ବ୍ଲକ ସରପଞ୍ଚ ସଂଘର ନୂତନ ସଭାପତି ଶ୍ରୀ ସୁଦର୍ଶନ କୋପେଙ୍କୁ ୧୮ଟି ଗ୍ରାମ ପଞ୍ଚାୟତ ର ସମସ୍ତ ସରପଞ୍ଚ ଅଭିନନ୍ଦନ ଓ ସମ୍ବର୍ଦ୍ଧନା କରିବା ସହ ଉପ ସଭାନେତ୍ରୀ ଓ ସାଧାରଣ ସମ୍ପାଦକଙ୍କୁ ଶୁଭେଚ୍ଛା ଜଣାଇଛନ୍ତି । ଆଜିର ଏହି ସଦର ବ୍ଲକର ସରପଞ୍ଚ ସଂଘ କର୍ମକର୍ତ୍ତା ଚୟନ କାର୍ଯ୍ୟକ୍ରମରେ ଉପସ୍ଥିତ ଥିଲେ ସରପଞ୍ଚ ସୁନାଧର ମାଡକାମୀ, ଗଙ୍ଗା ମାଡକାମୀ, ସୁନନ୍ଦା ଗାଡଲି, ନୀଳକଣ୍ଠ ଝୋଲା, ସୁମିତ୍ରା ମାଡକାମୀ, ବନିତା କୁରାମି, ଅରକ୍ଷିତ ନାୟକ, ବିଜୟ କବାସୀ ପ୍ରମୁଖଙ୍କ ସହ ମାଲକାନଗିରି ବ୍ଲକର ସମସ୍ତ ସରପଞ୍ଚ ବୃନ୍ଦ ଉପସ୍ଥିତ ଥିଲେ ।