ଗଞ୍ଜେଇ ଗଛ କାଟିବାକୁ ଯାଇ ହଟହଟା ହେଲା ପୋଲିସ

କାଟିବା ପୂର୍ବରୁ ପାରମ୍ପରିକ ଅସ୍ତ୍ରଶସ୍ତ୍ର ଧରି ପୋଲିସକୁ ଘେରିଲେ ଆଦିବାସୀ ।
ମାଲକାନଗିରି: ମାଲକାନଗିରି ଜିଲ୍ଲାରେ ବର୍ତ୍ତମାନ ପୋଲିସ ଓ ଅବକାରୀ ବିଭାଗ ପକ୍ଷରୁ ଗଞ୍ଜେଇ ଗଛ କଟା ଅଭିଯାନ ଆରମ୍ଭ କରାଯାଇଛି । ଗଛ କାଟିବା ପାଇଁ ଅଭିଯାନରେ ବାହାରିଥିଲେ ଓର୍କେଲ ପୋଲିସ ଓ ଡି.ଭି.ଏଫ. ଯବାନ । କୋରୁକୋଣ୍ଡା ବ୍ଲକ ନାକାମାମୁଡ଼ି ପଂଚାୟତର ବାୟାପଡା ଘାଟିରେ ଗଞ୍ଜେଇ ଗଛ କାଟିବା ପାଇଁ ଓର୍କେଲ ଥାନାର ପୋଲିସ ସହ ଡି.ଭି.ଏଫ. ଯବାନ ଯାଇଥିବା ସମୟରେ ପାରମ୍ପରିକ ଅସ୍ତ୍ରଶସ୍ତ୍ର ଧରି ଯବାନଙ୍କୁ ଆଦିବାସୀ ଘେରିଥିଲେ । ପରିସ୍ଥିତି ଏପରି ହେଲା ଯେ ପୋଲିସ ଜୀବନ ବିକଳରେ ଘଟଣାସ୍ଥଳରୁ ଦୌଡି ଦୌଡି ଆସିବାକୁ ବାଧ୍ୟ ହୋଇଥିଲେ । ଦେଖନ୍ତୁ ଏହି ଫୋଟୋକୁ କିଭଳି ପାରମ୍ପରିକ ଅସ୍ତ୍ରଶସ୍ତ୍ର ଧରି ପୋଲିସକୁ ଘେରିଛନ୍ତି ଆଦିବାସୀ । ଆଉ କହୁଛନ୍ତି ଆମକୁ ଚାଷ ଉପଯୋଗୀ ଜମି ଦିଅ ଆମେ ଅନ୍ୟ ଚାଷ କରିବୁ ।