ମାଲକାନଗିରି ଜିଲ୍ଲା ପୋଲିସ ଦ୍ଵାରା ଜୁଆ ଖେଳ ବେଳେ ଚଢଉ, ୫ ଜଣ ଜୁଆଡି ଗିରଫ

ମାଲକାନଗିରି: ମିଳିଥିବା ସୂଚନା ଅନୁଯାୟୀ ମାଲକାନଗିରି ଥାନା ଅନ୍ତର୍ଗତ ଏମଭି ୧୩ ଗ୍ରାମ ନିକଟରେ ଗତକାଲି ରାତିରେ ଖୁଡୁଖୁଡୀ ଜୁଆ ଖେଳ ଜାରି ରହିଥିବା ଖବର ପାଇ ମାଲକାନଗିରି ଆଦର୍ଶ ଥାନା ଅଧିକାରୀ ରିଗାନ କିଣ୍ଡୋଙ୍କ ନିର୍ଦେଶ କ୍ରମେ ଏକ ଟିମ ସେଠାରେ ଚଢଉ କରିଥିଲେ । ପୋଲିସକୁ ଦେଖି ଜୁଆଡି ମାନେ ସେଠାରୁ ଫେରାର ହେବାକୁ ଚେଷ୍ଟା କରୁଥିବା ବେଳେ ପୋଲିସ ଟିମ ମୋଟ ୫ ଜଣ ଜୁଆଡିଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୮୦୩୦ ଟଙ୍କା ସହ ଜୁଆ ଖେଳରେ ବ୍ୟବହୃତ ସାମଗ୍ରୀକୁ ଜବତ କରିଛି । ତେବେ ଏନେଇ ମାଲକାନଗିରି ଆଦର୍ଶ ଥାନାରେ ୧୯୯/୨୪ରେ ଏକ ମାମଲା ରୁଜ୍ଜୁ କରି ଆଜି ଗିରଫ ୫ ଜଣଙ୍କୁ କୋର୍ଟ ଚାଲାଣ କରାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି ।