ଶ୍ରୀସନ୍ନ୍ୟାସୀ ଜୀଙ୍କୁ ବାବା ବୁଦ୍ଧନାଥ ଦାସ ସ୍ମୃତି ସମ୍ନାନ

କଟକ: ମହାନ ସନ୍ଥ, ସାଧକ ତଥା ଗାରୋଇ ଆଶ୍ରମ ଜଗତସିଂହପୁରର ପ୍ରତିଷ୍ଠାତା ବାବା ବୁଦ୍ଧନାଥ ଦାସଙ୍କ ପୁଣ୍ୟ ସ୍ଵନକ୍ଷତ୍ର ଦିବସ ପାଳନ ଅବସରରେ ଆଶ୍ରମ ତରଫରୁ ବିଶିଷ୍ଟ ଆଧ୍ୟାତ୍ମିକ ସ୍ତମ୍ଭକାର, ପ୍ରବକ୍ତା ତଥା ଅଗ୍ରଣୀ ଆଧ୍ୟାତ୍ମିକ ପତ୍ରିକା ‘ଦିବ୍ୟାଲୋକ ସନ୍ଧାନେ’ର ସମ୍ପାଦକ ଶ୍ରୀସନ୍ନ୍ୟାସୀ ଜୀଙ୍କୁ ‘ବାବା ବୁଦ୍ଧନାଥ ଦାସ ସ୍ମୃତି ସମ୍ମାନ’ରେ ସମ୍ମାନିତ କରାଯାଇଛି l ଆଶ୍ରମ ପରିସରରେ ଅନୁଷ୍ଠିତ ଏକ ସଭାରେ ଶ୍ରୀସନ୍ନ୍ୟାସୀଙ୍କୁ ମାନପତ୍ର, ଉତ୍ତରୀୟ ଓ ପୁଷ୍ପଗୁଛ ଆଦି ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା l ସଭାରେ ପଦ୍ମଶ୍ରୀ ଅନ୍ତର୍ଯ୍ୟାମୀ ମିଶ୍ର, ପୋଥି ପଣ୍ଡିତ ଅମରେଶ୍ୱର ମିଶ୍ର, ସଂସ୍କୃତ ଅଧ୍ୟାପକ ଭଗବାନ ଦାସ, ଅଧ୍ୟାପକ ନିରୋଜ ବିଶ୍ୱାଳ ଆଦି ବହୁ ଅତିଥିଙ୍କ ସମେତ ହଜାର ହଜାର ଭକ୍ତ ଓ ସାଧୁ ସନ୍ଥ ଉପସ୍ଥିତ ଥିଲେ l